Келес ауданының Қоғамдық кеңестің кезекті көшпелі отырысы өтті.

2025 жылғы 12 наурыз күні Ақтөбе ауылдық округінің Лесбек батыр ауылдық  мәдениет үйінде Қоғамдық кеңестің кезекті көшпелі отырысы өтті. Отырысқа Қоғамдық кеңестің төрағасы Е.Абишев  төрағалық етті. Күн тәртібінде ҚР АШМ АӨК МИК «Республикалық фитосанитариялық диагностика және болжамдар әдістемелік орталығы» РММ-нің Келес аудандық филиалы басшысы Талипбаев А. өсімдік зиянкестерімен күрес бағытындағы атқарылған және 2025 жылға жоспарланған жұмыстарды баяндады. Аудан әкімінің орынбасары С. Жылқыбаев аудан аумағындағы автобекеттер мен қоғамдық тасымалдау көліктерінің жұмыстары туралы есеп берді. Есеп назарға алынып, осы салаға қатысты қосымша ұсыныстар жасалды.Отырыс барысында Келес ауданының білім бөлімі басшысының орнына, осы бөлімнің әдіскері Қ. Полатов 2024 жылы атқарылған жұмыстар туралы есебін ұсынды, алайда бөлім басшысы қатыспағандықтан, есеп  кейінге қалдырылды.Ақтөбе ауылдық округі мен Бірлік ауылдық округі  әкімінің орынбасарлары  2024 жылы атқарылған жұмыстар туралы есептері тындалмақ болды, алайда бірінші басшы болмағандықтан, есептері кейінге қалдырылды.

Отырыс барысында ауданның әлеуметтік-экономика- лық дамуы мен тұрғындардың өмір сапасын арттыруға қатысты бірқатар ұсыныстар мен шешімдер қабылданды. Ақтөбе ауылдық округ әкімі мен Бірлік ауылдық округ әкімінің, Келес ауданының білім бөлімі  басшысының  2024 жылы атқарылған жұмыстар туралы есептері бойынша, қоғамдық кеңестің кезекті отырысында тыңдау жоспарлануда.

Фото

Previous Next