Қазкеңес жаңалықтары

ЖАМБЫЛ ОБЛЫСТЫҚ ҚОҒАМДЫҚ КЕҢЕСТІҢ КЕЗЕКТІ ОТЫРЫСЫ ӨТТІ

19 наурызда Жамбыл облыстық Қоғамдық кеңесінде облыс әкімдігінің ауыл шаруашылығы басқармасында көрсетілетін мемлекеттік қызметтер сапасын арттыру және жетілдіру туралы есепті тыңдауы өткізілді. Басқарма басшысы Көшенов Қайрат Есенұлы есептік баяндамасында облыста агроөнеркәсіп кешенін дамыту және өңірдің шаруаларын қолдау мақсатында негізгі 11 қызмет cубсидиялау бағытында және 2 қызмет аттестациялау және лицензия беру бағытында көрсетілетініне тоқталды. 2024 жылы басқарма тарапынан жалпы 12 763 мемлекеттік қызмет көрсетілген, оның ішінде 1 245 өтінім кері қайтарылғанын, 387 қызмет өтініш иесімен қайтарылғанын, 11 131 өтінім мақұлданғанын атап өтті. 🗂️ Мемлекеттік қызметтердің барлығы басқармада электронды түрде gosagro.kz және plem.kz порталдары арқылы көрсетіледі. 2024 жылдан бастап, Қазақстан Республикасында агроөнеркәсіптік кешен субъектілерін субсидиялау жөніндегі субсидиялаудың мемлекеттік ақпараттық жүйесі «gosagro.kz» порталы жаңа форматқа өзгертілген. Алайда жұмыс барысында көптеген мәселелер туындап, бұл өз кезегінде электронды өтінімдерді қарастыру барысында бұғаттау тудырды. Соның салдарынан электронды өтінімдерді қарастыру барысында мемлекеттік қызметтерді көрсету мерзімдерінің кеш орындалуына әкеліп соқты. (12 өтінім мерзімінен кеш орындалған). Облыс әкімдігінің тарапынан ақпараттық жүйедегі кемшіліктерді түзету бойынша «gosagro.kz» порталының әкімшісі ҚР Ауыл шаруашылығы министрлігіне ұсыныстар жолданған. Сондай-ақ, басқарма тарапынан жүргізілген «Сыбайлас жемқорлыққа қарсы ішкі талдау» нәтижесінде анықталған сыбайлас жемқорлық көріністеріне апаратын ауыл шаруашылығы тауар өндірушілерінің құқықтары мен мүдделерін шектейтін кедергілерді болдырмау және сыбайлас жемқорлық тәуекелдерді жою мақсатында субсидия қағидаларына өзгерістер енгізу үшін ҚР Ауыл шаруашылығы министрлігіне бірқатар ұсыныстар берілген. Қоғамдық кеңес отырысында кеңес мүшелері тарапынан агроөнеркәсіптік кешен субъектілеріне көрсетілетін мемлекеттік қызметтердің ашықтығы, жариялылығы және сапасы туралы сұрақтар қойылып, басқармада көрсетілетін мемлекеттік қызметтердің арттыру және жетілдіру жөніндегі ұсынымдар берілді. Кеңес отырысы туралы сюжет облыстық JAMBYL TV телеарнасы арқылы көрсетілді.

Фото