Спорт, туризм және жастар мәселелері жөніндегі комиссияның отырысы

Д.Әбетжановтың төрағалығымен өткен облыстық қоғамдық кеңестің спорт, туризм және жастар мәселелері жөніндегі комиссиясының отырысында «Олимпиадалық емес спорт түрлерін қолдау, «Artsport»-ты дамыту, ұлттық спортты (көкпар) дамыту туралы» мәселесі қаралды. Облыстық дене шынықтыру және спорт басқармасының бұқаралық спорт бөлімінің басшысы Т.Сәкен қоғамдық кеңес мүшелерін атқарылып жатқан жұмыстар туралы хабардар етті. Спорттың басым түрлері негізгі старттарда расталған спорттық нәтижелері бар және лицензияларға ие дисциплиналар болып табылады. Халықаралық жарыстарда айтарлықтай спорттық нәтижелер көрсетпеген басым емес спорт түрлерін дене шынықтыру-спорт ұйымдарында бұқаралық спорт түрлері ретінде дамыту ұсынылады. Бұл ұлт денсаулығын нығайтуға, белсенді өмір салтын қалыптастыруға және әуесқойлық деңгейде спортпен шұғылдану үшін жағдай жасауға ықпал етеді. Қайырбаев атындағы ұлттық спорт түрлері бойынша спорт клубында көкпар секциясы белсенді дамып келеді. Көкпар жастар арасында танымалдылыққа ие болып, ұлттық ат спорты дәстүрлерін сақтауға және дамытуға елеулі үлес қосуда. Отырыс қорытындылары бойынша облыстың дене шынықтыру және спорт басқармасына, қалалар мен аудандар әкімдіктеріне ұсынымдар берілді.

Фото

Previous Next