Тараз қалалық Қоғамдық кеңестің арнайы құрылған сараптама тобы емшара кабинеттері қызметінің заңдылығын зерделеп жатыр

Тараз қалалық Қоғамдық кеңес тарапынан облыс орталығы аумағындағы емшара кабинеттері жұмысының заңдылығына кеңестің әлеуметтік мәселелер жөніндегі комиссиясының төрағасы Марат Сейітбекұлы Жұманқұлов бастаған топ сараптау жұмыстарын бастап кетті.

Сараптама нәтижелері негізінен, емшара кабинеттерінің басым бөлігі бекітілген мақсатынан ауытқып, алғашқы медициналық көмекке дейінгі жұмысты атқарудың орнына, толыққанды егу шараларын жүргізіп келе жатқанын көрсетті. Сондай-ақ зерделеу барысында ешбір рұқсатсыз емшара кабинеттерін ашу фактілері де анықталды.

Қоғамдық кеңестің білікті мамандарынан құралған сараптама тобы назарға алынған мәселенің сипатын толық білуді мақсат етіп отыр.

Фото

Previous Next