Қазкеңес жаңалықтары

Қоғамдық кеңес отырысы өтті

Қоғамдық кеңес отырысы өтті

Аптаның алғашқы күні аудан әкімдігінің мәжіліс залында қоғамдық кеңестің кезекті отырысы өтті. Ганмирлан Тұрғаналиевтің төрағалығымен өткен кеңес отырысына аудан әкімінің орынбасары Рауан Рахметуллин, қоғамдық кеңес мүшелері қатысты.

Күн тәртібінде жеті мәселе қаралды. Алдымен бірінші мәселе бойынша Тасқала аудандық мәслихатының «2025-2027 жылдарға арналған аудандық бюджет туралы» 2024 жылғы 20 желтоқсандағы №27-3 шешіміне өзгерістер енгізу жайлы аудандық экономика және қаржы бөлімінің басшысы Людмила Тастембекова баяндады. Екінші мәселе Тасқала ауданы әкімдігінің «Тасқала ауданына бірыңғай сәулеттік келбет беруге бағытталған, көппәтерлі тұрғын үйлердің қасбеттерін, шатырларын ағымдағы немесе күрделі жөндеу жөніндегі іс-шараларды ұйымдастыру және жүргізу қағидаларын бекіту туралы» 2023 жылғы 3 сәуірдегі №48 қаулысына өзгерістер енгізу туралы» қаулы жобасы ТҮКШ, жолаушылар көлігі және автомобиль жолдары бөлімінің басшысы А.Нұрмұқанов баяндады. Үшінші мәселе Тасқала аудандық мәслихатының 2024 жылғы №26-4 «Жергілікті бюджеттен қаржыландырылатын ұйымдар жұмыскерлерінің лауазымдық айлық ақыларына ынталандыру үстемеақы белгілеу туралы» Тасқала аудандық жастармен жұмыс жөніндегі ресурстық орталығының басшысы Жиенбай Мирамбаевтың баяндамасы тыңдалды. Төртінші мәселе аудан бойынша Салық Кодексінің жаңа жобалары, салық түсімдері мен атқарылған жұмыстары туралы есебін Тасқала ауданы бойынша мемлекеттік кірістер басқармасының басшысы Р.Гумаров баяндады. Содан соң бесінші мәселе ауданда жол қозғалысы қауіпсіздігін қамтамасыз ету және тұрмыстық зорлық-зомбылықтың алдын алу бойынша атқарылатын шаралар туралы Тасқала АПБ ЖПҚбЮПтКПЖ аға УПИ полиция капитаны Эльдар Тапалов пен Тасқала АПБ әкімшілік полиция бөлімінің бастығы, полиция майоры Жасдаурен Ниеталиев баяндап, ұсыныстарын білдірді. Алтыншы мәселе аудандық сәулет, қала құрылысы және құрылыс бөлімі мемлекеттік көрсетілетін қызметтері туралы және оның сапасын арттыру бойынша және сыбайлас жемқорлыққа қарсы іс-қимыл бағыты туралы аудандық сәулет, қала құрылысы және құрылыс бөлімінің басшысы А.Ибраев баяндады. Жетінші мәселе мемлекеттік қызметтердің сапасы мен қолжетімділігін арттыру туралы аудан әкімі аппаратының ақпараттық технологиялар және мемлекеттік қызметттер мониторингі бөлімінің басшысы Н.Курмышева хабарлады. Содан соң комиссия мүшелері баяндамашыларға сұрақтар қойып, пікірлерін білдірді.

Фото