Астана, 2025 жылғы 1 сәуір – ҚР Энергетика министрлігінде отын-энергетикалық кешен мәселелері бойынша Қоғамдық кеңестің отырысы өтті, бұл жұмыс барысында сабақтастықты және қоғамдық диалогтың жаңа кезеңін бастауды білдіреді.

Отырыс Энергетика министрі Ерлан Ақкенженовтің төрағалығымен өтті, оған Кеңестің бұрынғы және жаңа құрамдарының мүшелері қатысты.
Кездесуді ашқан Ерлан Ақкенженов бұрынғы құрамның мүшелеріне олардың маңызды үлесі мен сараптамасы үшін алғысын білдірді. Ол Кеңес жұмыс істеген уақыт ішінде атом энергетикасының даму жоспарлары, отын бағасын белгілеу, мұнай-газ саласының болашағы және сутегі энергетикасы сияқты стратегиялық мәселелерді талқылау үшін маңызды алаңға айналғанын атап өтті. Сонымен қатар, негізгі нормативтік-құқықтық актілерге қатысты сараптамалық бағалау жұмыстары жүргізілді.

Күн тәртібіндегі негізгі мәселелер жаңа құрамның жұмысын бастау үшін ұйымдастыру сәттері болды. Қатысушылар жаңартылған Қоғамдық кеңестің Төрағасын сайлап, хатшысын тағайындады. Сондай-ақ, Кеңестің жаңа Ережесі мен алдағы жұмыс жоспары талқыланды, олар келешектегі басымдықтар мен міндеттерді айқындады.

Кездесуді қорытындылай келе, Министр бұрынғы құрамның мүшелеріне тағы да алғыс айтып, оларға азаматтық ұстанымдары мен елдің энергетика саласын дамытуға қосқан үлестері үшін алғыс хаттар тапсырды. Энергетика министрлігі ашық диалогқа деген өз адалдығын растайды және жаңа құраммен саланың өзекті мәселелерін шешу және Қазақстанның энергетикалық қауіпсіздігін қамтамасыз ету мақсатында тиімді ынтымақтастыққа үміт артады.