Қазкеңес жаңалықтары

Аудандық қоғамдық кеңес жанындағы сыбайлас жемқорлыққа қарсы комитетінің кезекті отырысында

Аудандық қоғамдық кеңес жанындағы сыбайлас жемқорлыққа қарсы комитетінің кезекті отырысында Зайсан технологиялық колледж түлектерінің еңбекке орналасуы, 2024-2025 оқу жылына студенттерді қабылдауда мемлекеттік тапсырыстың орындалуы бойынша колледж директоры Сейілханов Ерік Таханұлының есебі тыңдалды. Зайсан технологиялық колледжі ауылшаруашылығына қажетті 8 мамандық, 17 біліктілік бойынша оқыта алады. Қазіргі уақытта 5 мамандық бойынша 160 студент білім алуда. Білім беру қызметтерінің сапасын арттыру мақсатында дуальды оқытуды, жаңа кредиттік-модульдік технологияны нәтижелі қолданып, тәжіриебеге бағдарланған оқыту модельін жүргізуде. Халықаралық семинар аясында ҚХР-ң Қарамай кәсіптік-техникалық институтымен ынтымақтастық меморандумын жасаған және 2025-2026 оқу жылына іскерлік және шығармашылық жоспары жасалған.
2022 жылы -50 студент, оның жұмысқа орналасқаны 44,9%, мамандықтары бойынша 50%.
2023жылы 71, оның жұмысқа орналасқаны 64,9%, мамандықтары бойынша 48%.
2024жылы 14 студент, жұмысқа орналасқаны 13,93%.
Колледжде жұмысшы біліктіліктері бойынша студенттерге 43574тг., орта буынды мамандықтарын даярлау 
бойынша 41896тг. степендия төленеді, жатақхана тегін, жатақханадағы студенттерге 3 мезгіл ыстық тамақ беріледі. 
Дегенмен технологиялық колледжде шешімін таппаған мәселелердің бірі колледж ғимараты 1986жылы берілген, осы уақытқа дейін күрделі жөндеу жоспарына обылыстық білім басқармасы тарапынан кіргізілмеген, жылу жүйесі газға қосылмаған, жатақхана қуаттылығы 100 орындық, қазіргі кезде жатақханадағы бала саны 30-35, жатақхананы да күрделі жөндеуді және материалдық базаны жақсартуды қажет етіп тұр. Колледж ауылшаруашылық мамандықтарын дайындайтын болсада техникалар 2012 жылдан кейін жаңартылмаған. Колледж облыстық білім басқармасына қарасты болғандықтан ба, аудан әкімдігі тарапынан өткізілетін семинарларға жиі шақырылмайды, қоғамдық кеңес технологиялық колледж тарапынан маман дайындау сапасын жақсарту мақсатындағы жүйелі жұмыстарын атап көрсете келе, колледж туралы ақпараттарды кеңейту үшін аудан әкімі аппаратына аудан әкімінің есеп беру жиналыстарына колледж басшылығын үнемі шақырып отыруды ұсынады.

Фото