Аудандық қоғамдық кеңес жанындағы сыбайлас жемқорлыққа қарсы комитетінің кезекті отырысында

Қоғамдық кеңестің жанындағы сыбайлас жемқорлыққа қарсы комитет отырысының күн тәртібіндегі “Аудан мектептері бойынша ыстық тамақтың ұйымдастырылуы, мектеп асханаларының жұмысы” туралы аудандық білім бөлімінің сектор меңгерушісі Ж. Байсаринованың ақпараты тыңдалды. 
Ақпарат бойынша аудандағы 27мектепте тегін тамақ ұйымдастырылған. Оның ішінде 25 мектепте асхананы жалға алушылар арқылы. Қалған 2 мектепте ( Қарасай , Жаңатұрмыс) штаттағы аспазшылар  арқылы ұйымдастырылған.
2024-2025 оқу жылында 3 697 оқушы ыстық тамақпен қамтылған.
Оның 2503-і  1-4 сынып оқушылары.
1194-і 5-9 сынып оқушылары болса, оның 976-ы аз қамтылған отбасыларынан.
2025 жылы мемлекет тарапынан 1-4 сынып оқушыларына бір балаға -772тг., 5-9 сынып оқушылары үшін бір балаға -807тг. 10-11 сынып оқушыларына 871 тг. қаржы қарастырылған. Мектеп асханаларының жұмысы бөлім тарапынан үнемі бақылауда екендігі туралы айтылды.
Қоғамдық кеңес тарапынан 2 мектепте М. Әуезов, М. В. Ломоносов атындағы орта мектептерінің асханаларына мониторинг жүргізілді. Асханаларда ас мәзірі аудан бойынша 10 күндік болып бекітілген. Сол бекітілген ас мәзір бойынша жұмыс жасалады. Бірақ мониторигі жүргізілген күні 2 мектептегі ас мәзірі 2 түрлі болды. Сондай - ақ пицца, самса , бәліштіің бағалары  да 2 мектепте 2 түрлі екендігі, бақылау таразысын көрнекі жерге қою білім бөліміне ескертілді.

Фото

Previous Next