ЖЕҢІСТІҢ 80 ЖЫЛДЫҒЫНА - 80 ИГІ ІС

“AMANAT” партиясы Жамбыл облыстық филиалының ұйымдастыруымен “Жеңістің 80 жылдығына - 80 игі іс” акциясы аясында

“АРДАГЕРЛЕРГЕ МЫҢ АЛҒЫС” әлеуметтік автокеруенін шығарып салу іс-шарасы 15 сәуір күні “Жеңіс” паркінде өткізілді.

Ұлы Отан соғысындағы Жеңістің 80 жылдығы ТМД елдері үшін 2025 жылдың басты оқиғасы болып табылады.

Әрбір республиканың фашизмді талқандауға қосқан баға жетпес үлесі, әрбір отбасының Отанын қорғап, майдан даласынан оралмаған, тылдағы жанқиярлық еңбегімен Ұлы Жеңіске қол жеткізген адамдары, соғыс және тыл ардагерлеріне әлеуметтік, психологиялық, медициналық-диагностикалық көмек көрсету мақсатында ұйымдастырылған әлеуметтік автокеруеннің жұмысына тоқталған партия облыстық филиалының төрағасы Д.Бейсенқұлов, облыстық ардагерлер ұйымының төрағасы Е. Солтыбаев, облыстық Қоғамдық кеңестің төралқа мүшесі А.Карентаев бейбіт күнде өмір сүріп жатқан ұрпақтың өз елінің бостандығы мен тәуелсіздігін қорғаған ардагерлерге алғыс айту парызы екендігін атап өтіп, 2 ауданға жолға шығатын автокеруен жұмысына сәт-сапар тіледі.

Ұйымдастырушылар тарапынан іс-шараға қатысқан қала жұртшылығы, қоғамдық кеңестер, қоғамдық ұйымдар өкілдері, мәслихат депутаттары, оқу орындарының жастарына Бірлік пен мақтаныштың символына айналған Жеңіс күні біздің бейбітшілік үшін төленген үлкен бағаны еске түсіретін және өткен сабақтарды ешқашан ұмытпауға уәде беретін күн екендігі жеткізілді.

Фото

Previous Next