ЖАМБЫЛ ОБЛЫСТЫҚ ҚОҒАМДЫҚ КЕҢЕСІНІҢ ЖАҢА ҚҰРАМЫ ӨЗ ЖҰМЫСЫН БАСТАДЫ

 21 сәуір күні Жамбыл облыстық Қоғамдық кеңесінің жаңа құрамының кезекті отырысының күн тәртібінде ҚР Мәдениет және ақпарат министрлігі жанындағы Қоғамдық кеңестердің Үйлестіру кеңесі әзірлеген Қоғамдық кеңес мүшесінің қызметін бағалау әдістемесінің жобасы талқыланып, қолданыстағы заңнама талаптарына сәйкес әдістеме негізінде кеңестің қызмет бағыттары бойынша құрылған 4 комиссиясының жұмысын ұйымдастыру және жүргізу туралы кеңірек баяндалды.

KPI - Қоғамдық кеңес мүшесінің тиісті Қоғамдық кеңестің ағымдағы қызметіндегі жеке үлесінің тиімділігі мен пайдалылығын білдіреді.

Бағалау критерийлері негізгі көрсеткіштер ретінде өкілеттік мерзімі шегінде белгілі бір уақыт кезеңіндегі қоғамдық кеңес жұмысының сапасы мен нәтижесін көрсетеді.

Күн тәртібінде қаралған Қоғамдық кеңес мүшелерінің мінез-құлқының этикалық нормаларын Жамбыл облыстық Қоғамдық кеңесі туралы ережеге енгізуді кеңес мүшелері бірауыздан қолдады.

Қоғамдық кеңестің 2025 жылға арналған жұмыс жоспарына енгізілген толықтырулар, 2-тоқсанда қоғамдық бақылау нысандары бойынша атқарылатын іс-шаралар мазмұны кеңес мүшелерінің назарына жеткізілді.

Сонымен қатар отырыста қоғамдық маңызы бар мәселелерді зерделеу үшін құрылатын Қоғамдық кеңестің тұрақты және уақытша жұмыс органдары туралы жан-жақты талқыланды.

Қоғамдық кеңес төрағасы Дүйсенәлі Бықыбаев күн тәртібінде қаралған мәселелердің маңыздылығына ерекше тоқталып, Қоғамдық кеңес қызметінде бағалау шараларын енгізу “Халық үніне құлақ асатын мемлекет” тұжырымдамасын іске асырудың пәрменді құралы ретінде елдің мемлекеттік-қоғамдық құрылымдағы ролін нығайтуға мүмкіндік беретінін атап өтті.

Фото

Previous Next