Қоғамдық кеңестер Ұлттық құрылтайдың IV отырысында Мемлекет басшысы қойған міндеттерді іске асыруға белсенді кірісуде

Қоғамдық кеңестер үйлестіру орталығының кезекті отырысы өтті. Іс-шараға республикалық және жергілікті деңгейдегі 56 қоғамдық кеңестің төрағалары қатысты.

Қазақстан Республикасы Мәдениет және ақпарат министрлігі жанынан құрылған Үйлестіру орталығы – еліміздің барлық өңірлеріндегі қоғамдық кеңес мүшелерінің өзара тәжірибе алмасуына арналған алаң.

Кездесудің негізгі тақырыбы Мемлекет басшысы Ұлттық құрылтайдың IV отырысында қойған міндеттерді іске асыруға қоғамдық кеңестердің қатысуы болды.

Жиын барысында спикерлер өңірлерді дамыту бойынша сәтті кейстерді бөлісіп, ақсақалдар кеңесін мемлекеттік стратегиялық бастамаларды іске асыруға тарту бойынша ұсыныстар айтты.

Шымкент қаласы қоғамдық кеңесінің төрағасы Парманов Бұхарбай Рысқұлұлы «Таза Қазақстан» Республикалық акциясын жүзеге асыру барысында қоғамдық кеңестердің экологиялық бақылау жүргізудегі рөлі туралы баяндама жасады.

Ерекше назар Ұлттық құрылтайда көтерілген негізгі тақырыптардың бірі – экология мәселелеріне аударылды. Атап айтқанда, республикалық «Таза Қазақстан» акциясын ұйымдастыру жайы талқыланды. Қатысушылар бұл бағыттағы қоғамдық кеңестер қызметінің тиімділігін арттыру қажеттігін атап өтті.

Фото

Previous Next