Сыбайлас жемқорлық тәуекелдерін ішкі талдау нәтижелері туралы

Еркеғали Жанғазының төрағалығымен Облыстық қоғамдық кеңес пен Ақсу қаласы қоғамдық кеңесінің сыбайлас жемқорлық тәуекелдерін ішкі талдау нәтижелерін талқылау бойынша азаматтардың құқықтарын, заңды мүдделерін қамтамасыз ету және сыбайлас жемқорлық көріністеріне қарсы іс-қимыл мәселелері жөніндегі комиссияларының бірлескен отырысы өтті. Облыстың мемлекеттік сәулет-құрылыс бақылау, ветеринария, ақпарат және қоғамдық даму, жер қойнауын пайдалану, қоршаған орта және су ресурстары, ауыл шаруашылығы, қаржы, экономика және бюджеттік жоспарлау басқармаларының есептері және Ақсу қаласының әкімдігі тыңдалды. Отырыс жұмысына Сыбайлас жемқорлыққа қарсы комиссар, Павлодар облысы бойынша сыбайлас жемқорлыққа қарсы қызмет департаментінің превенция басқармасының басшысы Д. Каукенов қатысты. Қоғамдық кеңес мүшелерінің сұрақтарына Бектурганов С. – облыстың қаржы басқармасы басшысының орынбасары, Иманханов М. – облыстың мемлекеттік сәулет-құрылыс бақылау басқармасы басшысының орынбасары, Тюлюбаев Д. - облыстың экономика және бюджеттік жоспарлау басқармасы басшысының орынбасары, Тлеубаев А. - облыстың ветеринария басқармасы басшысының орынбасары, Шоманов Н. - облыстың ақпарат және қоғамдық даму басқармасы басшысының орынбасары, Жақсыбеков Ж. - Ақсу қаласы әкімі аппаратының басшысы, Пак В. – облыс ауыл шаруашылығы басқармасының бас маманы – заңгер, Есмұханбетова Ж. – облыстың жер қойнауын пайдалану, қоршаған орта және су ресурстары басқармасының бас маманы - заңгер, Исабеков Р. - «Ертіс Медиа» ЖШС-нің PR және Production кеңсесінің маманы жауап берді. Өткізілген отырыстың қорытындысы бойынша басқармалар мен әкімдіктерге сыбайлас жемқорлық тәуекелдеріне ішкі талдау жүргізу барысында белгіленген тәуекелдерді назарға алу, сондай-ақ тиісті жұмыс топтарының қорытынды ұсынымдарын орындау үшін қабылдау туралы ұсынымдар берілді.

Фото

Previous Next