Келес аудандық Қоғамдық кеңесінің көшпелі отырысы Ошақты ауылдық округінде өтті

             Келес аудандық Қоғамдық кеңесінің кезекті жоспарлы көшпелі отырысы 2025 жылғы іс-шаралар жоспарына сәйкес Ошақты ауылдық округінде өтті. Кеңесті Қоғамдық кеңес төрағасы Е. Абишев жүргізді.

 Отырыста бірқатар мекеме басшылары мен ауыл әкімдерінің есептері тыңдалды. Атап айтқанда:

 Аудандық статистика басқармасының басшысы М.Тажибаев,
«Келес қызмет» коммуналдық мемлекеттік мекемесінің басшысы Б.Керинбаев,
 «Азаматтарға арналған үкімет» мемлекеттік корпорациясы Келес аудандық әлеуметтік қамсыздандыру бөлімінің маманы М.Аяпов,
 Ошақты ауылдық округінің әкімі М.Мырзамұратов
2024 жылы және 2025 жылдың бірінші тоқсанында атқарылған жұмыстар бойынша кеңес мүшелеріне баяндама жасады.

         Сонымен қатар:

 Бірлік ауылдық округінің әкімі А.Серікбаев,
 «Түркістан» кәсіпкерлерге қызмет көрсету орталығының Келес аудандық бөлімінің басшысы А.Муталиева,
 Аудан әкімінің ауыл шаруашылығы саласына жауапты орынбасары және
 Аудандық кәсіпкерлік және ауыл шаруашылығы бөлімінің бас маманы Е.Келесбай
аудан көлемінде шаруа қожалықтарын ірілендіру, ауыл шаруашылығы кооперативтерін құру бағытында 2024 жылы атқарылған жұмыстар туралы есеп берді.

 Есеп беру барысында кеңес мүшелері тарапынан өзекті мәселелерге қатысты нақты сұрақтар қойылып, тұжырымды жауаптар алынды. Бірқатар ұсыныстар айтылып, тиісті ескертпелер мен кеңестер берілді. Барлық есептер назарға алынды.

 Жиынға ауыл округ әкімдігі аппаратының қызметкерлері, жергілікті қоғамдастық өкілдері қатысты.

Мұндай көшпелі отырыстар – жергілікті басқару деңгейіндегі ашықтық пен тиімділікті арттырудың маңызды тетігі.

Фото

Previous Next