ҚАУЛЫ ЖОБАСЫ АЛДЫН АЛА ҚАРАЛДЫ

 22 мамыр күні Білім беру, денсаулық сақтау, мәдениет, спорт, жастар саясаты, қоғамдық даму және жұмыспен қамту жөніндегі комиссия төрағасы Сұлушаш Құрманбекованың бастамасымен облыс әкімдігінің білім басқармасы әзірлеген “2025-2026 оқу жылына арналған техникалық және кәсіптік, орта білімнен кейінгі білімі бар кадрларды даярлауға мемлекеттік білім беру тапсырысын бекіту туралы” қаулы жобасы талқыланды.

 Қаулы жобасы кеңес мүшелерінің қатысуымен онлайн форматта, нақтырақ айтқанда, чат арқылы қаралып, бірнеше сұрақ туындады. Осы сұрақтарды талқылау үшін кеңес төрағасы Д. Бықыбаев, кеңес мүшесі С. Сейдахметов және кеңес хатшысы Ж. Орынбаева арнайы жиын өткізді.

 Алдын ала талқылау барысында жобада пысықтауды қажет ететін тұстар анықталып, білім басқармасының басшысына бірқатар мәселелер бойынша нақты ақпаратты 26 мамырға дейін дайындап, кеңеске ұсыну тапсырылды. Аталған қаулы жобасы 28 мамыр күні өтетін отырыста кеңейтілген түрде қаралатын болады.

Фото

Previous Next