Риддер қаласының қоғамдық кеңесі абаттандыру және ТКШ, сондай-ақ медициналық қызмет көрсету салаларында ұсыныстар берді

Қаладағы абаттандыру, санитарлық тазалау, көгалдандыру және қатты тұрмыстық қалдықтарды шығару, қоғамдық орындардың, көпқабатты тұрғын үйлердің қасбеттерін сыртқы безендірілуі және жол жөндеу жұмыстары туралы

1. «Риддер қаласының тұрғын үй-коммуналдық шаруашылық, жолаушылар көлігі және автомобиль жолдары бөлімі» мемлекеттік мекемесі басшысының  баяндамасы назарға алынсын, бөлім жұмысы қанағаттанарлық деп саналсын.

2. Бөлім басшысына (Р.Құрметұлы) ұсынылсын:

1) 2025 жылы Риддер қаласын санитарлық тазалау, абаттандыру және көгалдандыру жөніндегі жұмыстарды жалғастырсын;

2) қалалық санитарлық комиссияға полиция қызметкерлерімен және қала жұртшылығымен бірлесіп, қала аумақтарын абаттандыру қағидаларын бұзушылықтарды анықтау және осы Қағидаларды бұзған тұлғаларды «Әкімшілік құқық бұзушылық туралы» Қазақстан Республикасының Кодексінің 505-бабына сәйкес әкімшілік жауапкершілікке тарту бойынша рейдтер өткізуді тапсырсын;

3) «Фирма «Эталон» ЖШС міндеттелсін:

- қалдықтарды жинау орындарынан және қаладан қалдықтарды шығару тәртібін белгілеу;

- қалдықтарды жинау орындарын қалпына келтіру және жақсарту және контейнерлер санын көбейту мәселелерін шешу.

Қала тұрғындарына медициналық қызмет ұсыну және көрсету сапасы туралы

1. Есептік ақпарат назарға алынсын, «Риддер қалалық ауруханасы» ШЖҚ МКК бас дәрігерінің міндетін атқарушысының жұмысы қанағаттанарлық деп танылсын.

2. «Риддер қалалық ауруханасы» ШЖҚ МКК бас дәрігерінің міндетін атқарушысы (М.Блейменов) ұсынылсын:

1) ауруды ерте сатысында диагностикалау және анықтау, оңтайлы емдеуді іріктеу және профилактикалық шаралар кешенін тағайындау мақсатында қала тұрғындарын әлеуметтік желілер, БАҚ, қала кәсіпорындары мен мекемелерінің басшылары арқылы халықтың скринингтен өту қажеттілігі туралы хабардар етуді кеңінен жүргізу.

2)  медициналық қызметтердің толық түрін көрсетуді және дәрілік заттарды беруді қадағалау;

3) қаланың емдеу мекемелеріне жұмыс істеу үшін келген жас мамандарды әлеуметтік қолдау шараларымен қамтамасыз етілуін, оқуын және мекемеде қалуын қадағалау және «Риддер қалалық ауруханасы» шаруашылық жүргізу құқығындағы мемлекеттік қазыналық кәсіпорнында жұмыс істеуге медицина кадрларын тарту бойынша жұмысты жалғастыру.

Фото

Previous Next