Қазкеңес жаңалықтары

ТҮРКІСТАН ОБЛЫСЫ ТӨЛЕБИ АУДАНДЫҚ ҚОҒАМДЫҚ КЕҢЕСТІҢ КЕЗЕКТІ ОТЫРЫСЫ

ҚОҒАМДЫҚ КЕҢЕСТІҢ ОТЫРЫСЫ ӨТТІ.

     Бүгін, Төлеби аудандық Қоғамдық кеңестің төрағасы Сейтхан Ахтаев төрағалық еткен жиынға тиісті бөлім басшылары, ауылдық округ әкімдері қатысты. Күн тәртібінде 2 мәселе қаралды.

1.  Ауылдық округ әкімдіктері тарапынан жергілікті бюджетке түсетін қаржылардың тиімді игерілуі мен жұмсалуы туралы. 

2.  Ауданда салынған және салынып жатқан көппәтерлі тұрғын үйлердің халыққа берілу тәртібі мен заңдылығы туралы.  

     Жиын Қоғамдық кеңес мүшелерін куәландыратын куәліктер табыстаумен басталды. 

     Жүргізілу тәртібіне сәйкес кезектілігімен Аққұм а/о әкімі Қайрат Таменов, Тасарық а/о әкімі Бақтыбек Алтынбеков, Қасқасу а/о әкімі Мейіржан Ермағанбетов, Киелітас а/о әкімінің м. а. Нәби Садықбеков, Кемеқалған а/о әкімі Досымжан Дарибоев және Алатау а/о әкімі Мадияр Құрбаналиевтың өз мекемелеріндегі жергілікті бюджетке түскен қаржылардың тиімді игерілуі мен жұмсалуы туралы баяндамалары тыңдалды. 
     Қосымша кеңес мүшесі Гүлманат Байзақова ауылдық округ әкімдіктеріне қоғамдық мониторинг, зерделеулер жүргізгендіктерін слайд форматы арқылы хабарлама жасады. 
        
     Ауданда салынған және салынып жатқан көппәтерлі тұрғын үйлердің халыққа берілу тәртібі мен заңдылығы туралы, аудандық тұрғын үй коммуналдық шаруашылық, жолаушылар көлігі және автомобиль жолдары бөлімінің басшысы Серғазы Қалдыбаевтың баяндамасы тыңдалды. Кеңестің комиссия төрағасы Әбдісаттар Әбдіхалықов мекеменің жұмыстарымен танысқандары бойынша қосымша хабарлама жасады.
       
     Қоғамдық кеңес мүшелері баяндамашыларға ұсыныс сұрақтарын қойып жауаптарын тыңдады және түйткілді көптеген мәселелерді ортаға салып талқылады. Әрбір ауылдық округ әкіміне алдағы уақыттары айтылған кемшіліктерді жойып, жұмыстарды жақсарту мақсатында нақты ұсынымдар жасалынып, шешімдер қабылдады.

Фото