Қазкеңес жаңалықтары

2025 жылғы 8 сәуір, сағат 11:00-де Қонаев қаласында “Тең қоғам” қоғамдық қорының ғимаратында Алматы облысы бойынша Азаматтық альянстың және Қоғамдық кеңестің төрағасы, сондай-ақ Ұлттық құрылтайдың мүшесі Қазыбек Дауталиевтің ұйымдастыруымен үкіметтік

2025 жылғы 8 сәуір, сағат 11:00-де Қонаев қаласында “Тең қоғам” қоғамдық қорының ғимаратында Алматы облысы бойынша Азаматтық альянстың және Қоғамдық кеңестің төрағасы, сондай-ақ Ұлттық құрылтайдың мүшесі Қазыбек Дауталиевтің ұйымдастыруымен үкіметтік емес ұйымдар (ҮЕҰ) өкілдерімен кездесу өтті.

Кездесу барысында келесі мәселелер талқыланды:
• Ұлттық құрылтайдың IV отырысында көтерілген мәселелер, соның ішінде “Үкіметтік емес ұйымдар туралы” заң жобасына енгізілуі тиіс ұсыныстар;
• Жергілікті ҮЕҰ-дың мемлекеттік басқару үдерісіндегі рөлі. Бүгінде жергілікті ҮЕҰ-дың мемлекеттік басқаруға белсенді қатысуы өзекті мәселелердің бірі ретінде көтерілді;
• ХІІ Азаматтық форумның тақырыбын айқындау. Шілде айында өтетін аталған форумның тақырыбы «Жергілікті ҮЕҰ-дың мемлекетті басқару ісіне қатысуы» (Участие местных НПО в управлении делами государства) деп белгіленді;
• Мемлекеттік әлеуметтік тапсырыстардың тиімділігіне қоғамдық мониторинг жүргізу туралы шешім қабылданды. Осыған байланысты әлеуметтік тапсырыс беруші басқармалар мен аудандық бөлімдер жанынан Эксперттік кеңестер құру ұсынылды. Бұл – қолданыстағы мемлекеттік сатып алу туралы заңнаманың талабы.

Ынтымақтастық бағыттары:

Азаматтық альянстың негізгі міндеттерінің бірі – өңірдегі әрбір ҮЕҰ-дың тиімді әрі нәтижелі жұмыс істеуіне ықпал ету екендігі атап өтілді. Осыған байланысты келесі платформалармен тығыз ынтымақтастық орнату қажеттігі ұсынылды:
1. Облыстық Қоғамдық кеңес
2. Аудандық Қоғамдық кеңестер
3. Жергілікті қоғамдастық жиналыстары

Кездесу барысында талқыланған бағыттар мен ұсыныстар өңірдегі азаматтық қоғамның дамуына оң ықпал етуі тиіс.

Шағын кәсіпкерлікті мемлекеттің қолдауы экономика үшін қаншалықты маңызды болса, аудандық және ауылдық округ деңгейіндегі ҮЕҰ-ды қолдау да өңірлердегі азаматтық қоғамның дамуы үшін соншалықты маңызды екендігі атап өтілді.

Фото