Ұлытау облысында қоғамдық кеңестің кезекті отырысы өтті

Ұлытау облысында «Үлгілік базалық бағыт 4» жобасы аясында сыбайлас жемқорлық тәуекелдеріне жүргізілген ішкі талдау нәтижелері бойынша қоғамдық кеңестің отырысы сәтті өткізілді.

Тыңдауға Ұлытау облысының Қоғамдық кеңесі мүшелері, мемлекеттік органдардың мен  ҚР Сыбайлас жемқорлыққа қарсы іс-қимыл агенттігінің Ұлытау облысы бойынша департаментінің өкілдері қатысты.

Жиынның негізгі мақсаты – мемлекеттік органдардың ашықтығы мен есептілігін арттыру, сыбайлас жемқорлық тәуекелдерін анықтап, оларды жою бойынша ұсыныстар беру болды.

Тыңдауда баяндама жасағандар:
▪️ Мәдениет, тілдерді дамыту және архив ісі басқармасы;
▪️ Қоғамдық даму басқармасының басқармасы;
▪️ Жолаушылар көлігі және автомобиль жолдары басқармасы;
▪️ Кәсіпкерлік және өнеркәсіп басқармасы; 
▪️ Табиғи ресурстар және табиғат пайдалануды реттеу басқармасы; 

Іс-шараны жүргізген: қоғамдық кеңестің төрағасының міндетін атқарушы Валерий Фомин. Отырысқа қатысқан Жаслан Мейірманұлы Хамитов, ҚР Сыбайлас жемқорлыққа қарсы іс-қимыл агенттігінің Ұлытау облысы бойынша департаменті басшысының бірінші орынбасары,
Қуанышбек Қайырбекұлы Абишев
Превенция басқармасының басшысы 

Тыңдау барысында әр басқарма өз саласындағы ішкі сыбайлас жемқорлық тәуекелдерін атап өтіп, оларды төмендету бойынша қабылданып жатқан шаралар туралы баяндады. Қоғамдық кеңес мүшелері тарапынан нақты ұсыныстар мен сын-ескертпелер айтылып, бірқатар өзекті мәселелер қозғалды.

Мұндай ашық талқылаулар қоғам мен билік арасындағы сенімді нығайтып, мемлекеттік басқару сапасын арттыруға ықпал етеді.

Біз ашықтық пен әділдік қағидаттарын бірге ілгерілетеміз!

Фото

Previous Next