5 маусымда Қ.Смайловтың төрағалығымен қалалық Қоғамдық кеңестің кезекті отырысы өтті.

5 маусымда Қ.Смайловтың төрағалығымен қалалық Қоғамдық кеңестің кезекті отырысы өтті. Жиынға қала әкімінің орынбасары Д. Мұқан қатысты.

Күн тәртібіндегі алғашқы мәселе – Сәтбаев қаласы әкімдігі мен оған қарасты мемлекеттік мекемелердегі сыбайлас жемқорлық тәуекелдеріне жүргізілген ішкі талдаулардың нәтижелерін қарау болды. Бұл бойынша кеңес мүшелері бірқатар бөлім басшыларының есептерімен танысты.

Күн тәртібінің келесі мәселесі бойынша «Сәтбаев қаласының тұрғын үй-коммуналдық шаруашылығы бөлімі» ММ басшысының орынбасары М. Кокшин «Сәт Тазалық» мекемесінің жұмысы туралы есеп берді.

Сонымен қатар, «Жасыл ел» жастар еңбек жасақтары бойынша мемлекеттік әлеуметтік тапсырыстың орындалуы туралы есепті Сәтбаев қаласының ішкі саясат бөлімі ММ басшысы А. Құрақбай ұсынды.

Келесі мәселе аясында «Сәтбаев қаласының тұрғын үй қатынастары және тұрғын үй инспекциясы бөлімі» ММ басшысы Ж. Сейлова мемлекеттік қызмет көрсету сапасы туралы ақпаратпен бөлісті.

Бөлімдерге жүргізілген бақылау қорытындылары мен ұсынымдарды кеңес мүшесі Л. Мыңбаева таныстырды. Кеңес мүшелері тарапынан қойылған барлық сұрақтарға бөлім басшылары жауап берді.

Сондай-ақ, отырыста нормативтік құқықтық актілер (НҚА) жобасы қаралып, мақұлданды.
Жиын қорытындысы бойынша тиісті ұсынымдар қабылданды.

Фото

Previous Next