2025 жылғы 29 мамырда Кеген ауылында Алматы облысы Қоғамдық кеңесінің IV шақырылымдағы көшпелі отырысы өтті.

Алматы облысында Ұлттық құрылтай тапсырмалары талқыланды
2025 жылғы 29 мамырда Кеген ауылында Алматы облысы Қоғамдық кеңесінің IV шақырылымдағы көшпелі отырысы өтті. Жиын Мемлекет басшысы Қасым-Жомарт Тоқаевтың Ұлттық құрылтайда берген тапсырмаларын өңірде іске асыруға арналды.

Отырыс аясында «Жаңа қоғам жағдайындағы жергілікті қоғамдық бақылау: өңірлік мәселелер және шешу жолдары» атты дөңгелек үстел ұйымдастырылып, ауыл шаруашылығы, денсаулық сақтау, тарихи-мәдени мұра, құқықтық тәртіп пен кәсіпкерлікті қолдау бағыттары қаралды. Алматы облысы Қоғамдық кеңесінің төрағасы Қазыбек Дауталиев пен салалық сарапшылар өз баяндамаларында қоғамдық бақылаудың маңызын атап өтті.

Шара барысында облыстық «МедБақылау» жобасы таныстырылып, жергілікті тұрғындармен кездесу өткізілді. Көшпелі отырыс өңірлік даму мен азаматтық белсенділікті арттырудағы нақты қадам ретінде бағаланды.

Фото

Previous Next