2025 жылғы 9 маусымда аудандық қоғамдық кеңес мүшелері «Туристік және тарихи-мәдени объектілерінің аумақтарына мониторинг жүргізу» мақсатында Балқаш аудандық тарихи-өлкетану музейіне барып, мекеменің қызметімен, жүзеге асырылып жатқан жұмыстарымен жә

2025 жылғы 9 маусымда аудандық қоғамдық кеңес мүшелері «Туристік және тарихи-мәдени объектілерінің аумақтарына мониторинг жүргізу» мақсатында Балқаш аудандық тарихи-өлкетану музейіне  және Әулие тасқа барып, мекеменің қызметімен, жүзеге асырылып жатқан жұмыстарымен және алдағы жоспарларымен танысты.

Балқаш аудандық тарихи-өлкетану музейі 2003 жылдың 13 мамырындағы Алматы облысы әкімінің №29 қаулысына сәйкес Балқаш ауданы әкімдігінің құрылтайшылығымен «Балқаш аудандық тарихи-өлкетану музейі» мемлекеттік коммуналдық кәсіпорны ретінде құрылған. Бүгінгі таңда музей Алматы облысының музейлер бірлестігі мемлекеттік коммуналдық қазыналық кәсіпорнының құрылымдық бөлімшесі болып табылады.

Мекеме үш экспозициялық залдан тұрады, әр зал тарихи мазмұны мен тақырыптық ерекшеліктеріне қарай бірнеше бөлімдерге бөлінген:
    •    Бірінші зал – ауданның құрылу тарихына, табиғаты мен жануарлар дүниесіне, сондай-ақ «Тәуелсіздік» шежіресіне арналған;
    •    Екінші зал – кеңестік дәуірге дейінгі, кеңестік кезеңдегі және тәуелсіз Қазақстан жылдарындағы аудан өмірінің негізгі кезеңдерін қамтиды;
    •    Үшінші зал – көрнекті мемлекет және қоғам қайраткері, үш мәрте Социалистік Еңбек Ері, елімізді елу жыл басқарған тарихи тұлға Дінмұхамед Ахметұлы Қонаевтың өмірі мен қызметіне арналған.

Қазіргі уақытта музей қорында жалпы саны 1824 жәдігер сақталған, оның ішінде негізгі қорды – 1415, ғылыми-көмекші қорды – 409 жәдігер құрайды.

2025 жылдың алғашқы бес айының ішінде музейде әртүрлі форматтағы 65 мәдени-бұқаралық іс-шара ұйымдастырылды. Сонымен қатар, музей тарапынан аудан аумағындағы ашық аспан астында орналасқан тарихи-мәдени нысандар мен сакралды орындарға қатысты ақпарат жиналып, сакралды карта әзірленген.

Бұл жұмыс ауданның тарихи-мәдени мұрасын сақтау, насихаттау және туризмді дамыту бағытындағы маңызды қадамдардың бірі болып табылады.

Фото

Previous Next