ТАЗА ҚАЗАҚСТАН - БІЗДІҢ ӨМІР САЛТЫМЫЗ

ТАБИҒАТТЫ АЯЛАУ, ТАЗАЛЫҚ МӘДЕНИЕТІН ӘРБІР АЗАМАТТЫҢ, ӘСІРЕСЕ ЖАС ҰРПАҚТЫҢ САНАСЫНА СІҢІРУ ӨЗЕКТІ!

“Қоғамдық экобақылау” республикалық акциясының 2-ші онкүндігі аясында 16-18 маусым күндері Жамбыл облыстық Қоғамдық кеңесінің төрағасы Дүйсеналы Бықыбаев, кеңес мүшелері Архабек Төлебаев, Пернебек Оспанов Жуалы және Жамбыл аудандары бойынша абаттандыру жұмыстарына, оның ішінде жасыл желектерді күту және суару, стихиялық қоқыс орындарына қоғамдық бақылау жүргізді. 

Аудандарда тарихи-мәдени ескерткіштерді жөндеу және қалпына келтіру, аумақты абаттандыру жұмыстары жүргізіліп, демалыс орындары, жастар саябақтары, үлкен алаңқайлардың жасыл желектері субұрқақпен суару әдісін қолдану арқылы күнделікті күтімге алынған. 

Жергілікті атқарушы органдар, аудан әкімдіктері тарапынан “Таза Қазақстан” акциясы шеңберінде ауылдық округтерді абаттандыру, көгалдандыру, тазалық жұмыстары жаз мезгілінің аптап ыстығы басталған кезеңде тұрақты бақылауға алынып, жүйелі жұмыстар атқарылуда. 

Аумақты абаттандыру, көшелерде, саябақтарда жүргізілетін тазалық жұмыстарына жұмысшылар, бағбандармен бірге мемлекеттік қызметшілер, ауыл тұрғындары, азаматтық қоғам өкілдері, студент жастар, еріктілер белсене қатысуда. 

Мемлекет басшысы Қасым-Жомарт Кемелұлы Тоқаев атап өткендей, 
“Айналамызды жинау мен ағаш отырғызу арқылы біз жайлы да таза қоршаған орта қалыптастырамыз. Барлық аула мен көшені, саябақ пен алаңқайды ұқыпты ұстау - өз қолымызда. Тазалық пен тәртіп - дұрыс өмір салтын ұстанудың басты көрінісі”. 

“Қоғамдық экобақылау” акциясының 2-ші онкүндігін өткізу жоспары негізінде Қоғамдық кеңес мүшелері абаттандыру мәселелері бойынша қоғамдық бақылауды Талас және Сарысу аудандарында жалғастырады.

Фото

Previous Next