МАҚТААРАЛ АУДАНЫНЫҢ ҚОҒАМДЫҚ КЕҢЕСІНІҢ КЕЗЕКТІ ОТЫРЫСЫ ӨТТІ

Бүгін 2025 жылғы 18 маусымда аудандық Қоғамдық кеңестің төрағасы М.О.Ердешовтың төрағалығымен Қоғамдық кеңестің кезекті отырысы өтті. Қоғамдық кеңестің отырысына Қоғамдық кеңес мүшелері, Мақтаарал ауданының жұмыспен қамту және әлеуметтік бағдарламалар бөлімінің басшысы Н.Елшібаев, Мақтаарал ауданының тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Ғ.Полатов, Түркістан облысы дене шынықтыру және спорт басқармасының "Мақтаарал аудандық №1 балалар мен жасөспірімдер спорт мектебі" коммуналдық мемлекеттік мекемесінің оқу ісі жөніндегі директордың орынбасары Б.Қалшабеков және Түркістан облысы дене шынықтыру және спорт басқармасының "Мақтаарал аудандық №2 балалар мен жасөспірімдер спорт мектебі" коммуналдық мемлекеттік мекемесінің оқу ісі жөніндегі директордың орынбасары Д.Тұрсынқұлов қатысты.

Күн тәртібіне келесі мәселелер енгізілді:

1. «Мақтаарал аудандық №1 балалар мен жасөспірімдер спорт мектебі» коммуналдық мемлекеттік мекемесі директорының 2025 жылдың 1-жартыжылдығында атқарған жұмыстары мен алда тұрған міндеттері туралы есебі;

2. «Мақтаарал аудандық №2 балалар мен жасөспірімдер спорт мектебі» коммуналдық мемлекеттік мекемесі директорының 2025 жылдың 1-жартыжылдығында атқарған жұмыстары мен алда тұрған міндеттері туралы есебі;

3. «Мақтаарал ауданының қалалық (ауылдық) және ауданішілік әлеуметтік мәні бар тұрақты бағыттарда жолаушылар мен багажды автомобильмен тұрақты тасымалдаудың тарифін белгілеу туралы» Мақтаарал ауданы әкімінің қаулы жобасы;

4. «Мақтаарал ауданындағы қоғамдық көліктердің сапасы мен халыққа қызмет көрсету тәртібі туралы» Мақтаарал ауданының тұрғын үй-коммуналдық шаруашылық, жолаушылар көлігі және автомобиль жолдары бөлімі басшысының есебі;

5. Мақтаарал ауданында Қазақстан Республикасының «Қазақстан Республикасында мүгедектігі бар адамдарды әлеуметтік қорғау туралы» заңның орындалуы туралы Мақтаарал ауданының жұмыспен қамту және әлеуметтік бағдарламалар бөлімі басшысының есебі;

6. «Мақтаарал ауданының жұмыспен қамту және әлеуметтік бағдарламалар бөлімі» мемлекеттік мекемесі тарапынан тұрғындарға көрсетілген мемлекеттік қызметтердің заңнама және қағида (стандарт, регламент) талаптарына сәйкес көрсетілуі туралы Мақтаарал ауданының жұмыспен қамту және әлеуметтік бағдарламалар бөлімі басшысының есебі.

Күн тәртібіндегі бірінші мәселе бойынша "Мақтаарал аудандық №1 балалар мен жасөспірімдер спорт мектебі" коммуналдық мемлекеттік мекемесінің оқу ісі жөніндегі директордың орынбасары Б.Қалшабеков баяндама жасады.

Күн тәртібіндегі екінші мәселе бойынша "Мақтаарал аудандық №2 балалар мен жасөспірімдер спорт мектебі" коммуналдық мемлекеттік мекемесінің оқу ісі жөніндегі директордың орынбасары Д.Тұрсынқұлов баяндама жасады.

Күн тәртібіндегі үшінші және төртінші мәселелер бойынша Мақтаарал ауданының тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Ғ.Полатов баяндама жасады.

Күн тәртібіндегі бесінші және алтыншы мәселелер бойынша Мақтаарал ауданының жұмыспен қамту және әлеуметтік бағдарламалар бөлімінің басшысы Н.Елшібаев баяндама жасады.

Күн тәртібіне енгізілген барлық мәселелер қаралып, жан-жақты талқыланды.

Күн тәртібіндегі қаралған мәселелер бойынша ұсынымдық сипаттағы шешімдер қабылданатын болады.

Фото

Previous Next