Қобда ауданында "Мерейлі отбасы" байқауының аудандық кезеңі өтті

Аудандық ішкі саясат бөлімінің ұйымдастыруымен "Мерейлі отбасы" ұлттық байқауының аудандық кезеңі бойынша Қобда аудандық комиссиясының отырысы өтті. Жиынға аудан әкімінің орынбасары А.Қабылов төрағалық етті.

Комиссия құрамына аудандық мекемелер басшыларымен қатар, қоғам белсенділері енгізілді. Атап айтқанда: Темірбай А.К. – аудандық қоғамдық кеңес төрағасы, Сергазина Р.Қ. – "Қазақ аналары – дәстүрге жол" ҚБ АФ төрайымы, Н.Кереймағанбетов – аудандық ардагерлер кеңесінің төрағасы, Г.С.Ерғалиева – Ақтөбе облыстық тарихи-өлкетану музейінің Қобда секторы меңгерушісі, Г.Қ.Боканова – аналар кеңесінің төрайымы, А.Мурзабекова – "Qobda" газетінің тілшісі.

Аудандық кезеңге 12 отбасы қатысып, ішінен үздік деп танылған 2 отбасы облыстық кезеңге жолдама алды. Жалпы, Қобда ауданынан осы уақытқа дейін аталған байқауға 150-ге жуық отбасы қатысып, отбасылық құндылықтарды насихаттауға белсенді үлес қосып келеді.

Фото

Previous Next