2025 жылғы 18 маусымда Алматы облысының Қоғамдық кеңесі Талғар ауданына қарасты Қайнар ауылдық округіне жұмыс сапарымен барды. Іс-сапар барысында жергілікті қоғамдастықтың жиналысы өтіп, ауыл тұрғындарымен кездесу ұйымдастырылды.

2025 жылғы 18 маусымда Алматы облысының Қоғамдық кеңесі Талғар ауданына қарасты Қайнар ауылдық округіне жұмыс сапарымен барды. Іс-сапар барысында жергілікті қоғамдастықтың жиналысы өтіп, ауыл тұрғындарымен кездесу ұйымдастырылды. Кездесу барысында тұрғындар бірқатар өзекті мәселелерді көтеріп, оларды шешу жолдары жан-жақты талқыланды. Сонымен қатар, түрлі ұсыныстар мен пікірлер айтылды.

Атап айтқанда, ауыл тұрғындары Қайнар ауылында мәдениет үйінің жоқтығын айтып, жаңа мәдениет үйін салу жөнінде ұсыныс білдірді. Сонымен бірге, елді мекендегі медициналық пункттің тым шағын екені және халық санының көптігіне байланысты тұрғындарға сапалы медициналық қызмет көрсету мүмкіндігінің шектеулігі де көтерілді. Ауыл тұрғындары науқастанған жағдайда Талғар аудандық орталығына баруға мәжбүр, бұл өз кезегінде елеулі қиындықтар туындатып отыр.

Сондай-ақ, Қайнар ауылында әкімшілік ғимараттың болмауы да мәселеге айналған. Қазіргі уақытта тұрғындар әкімшілік мәселелері бойынша көршілес Еркін ауылындағы әкімдікке жүгінеді. Алайда, Еркін ауылындағы әкімдік ғимаратының өзі де талапқа сай келмейді.

Тұрғындар ауылда спорттық кешендердің, жастар мен балаларға арналған спортпен шұғылданатын орындардың мүлдем жоқтығын да ерекше атап өтті.

Фото

Previous Next