Заманауи кітапхана – білім мен мәдениет орталығы.

17 маусымында Д.Шәкіровтың төрағалығымен Қоғамдық кеңес мүшелері Г.Егізбаев пен Т.Сайфуллинадан құралған жұмыс тобы «Халыққа қызмет көрсету» мәселесі бойынша ауданның «Орталық кітапхана жүйесі» КММ және Гастелло кентінде болды.
Қоғамдық өкілдері ғимаратты аралап көрді, ұсынылған құжаттамамен танысты, кітапханалардың жұмыс режимін зерттеді, кітапхананың көрнекі безендіру жағдайына баға берді. Директор Ж. Сейітбек кітапхана ғимараты бойынша демонстрациялық экскурсия жүргізіп, тақырыптық іс-шараларды, акцияларды, әдеби кештерді өткізудегі табысты тәжірибелерімен бөлісіп, алдағы жаңалықтар туралы айтып берді.
Аудандық кітапхананы аралау барысында қоғамдық өкілдері аудандық кітапханада жүріп-тұруы шектеулі жандардың бейімделу сапасына қатысты кейбір пікірлерді анықтады. Атап айтқанда, ғимаратқа кіру кезінде қиындықтар мен визуалды навигацияның жеткіліксіздігі атап өтілді. Ж. Сейітбек алдағы уақытта ескертулер жойылады деп сендірді. Сондай-ақ ғимараттың сыртқы келбетін жөндеу және екінші қабаттың еденін жаңарту жұмыстары әлі аяқталған жоқ.
Қоғамдық өкілдердің пікірінше, «Орталық кітапхана жүйесі» ҚМУ жоғары деңгейде жұмыс істейді: мұнда оқырмандар үшін барлық жағдай жасалған, қор толығып, пайдалы іс-шаралар өткізілуде. Кітапхана ауданның маңызды мәдени орталығы болып табылады.

Фото

Previous Next