2025 жылғы 5 маусымда Қарасай ауданында Қаскелең қаласында Алматы облысы Қоғамдық кеңесінің көшпелі отырысы өтті.

ҚОҒАМДЫҚ БАҚЫЛАУ: ӨҢІРЛІК МӘСЕЛЕЛЕР ТАЛҚЫЛАНДЫ

2025 жылғы 5 маусымда Қаскелең қаласында Мемлекет басшысы Қасым-Жомарт Тоқаевтың Ұлттық құрылтайдың IV отырысында берген тапсырмаларын түсіндіру және жүзеге асыру мақсатында Алматы облысы Қоғамдық кеңесінің көшпелі отырысы өтті.

Отырыстың бірінші бөлімінде «Жаңа қоғам жағдайындағы жергілікті қоғамдық бақылау: өңірлік мәселелер және шешу жолдары» тақырыбында дөңгелек үстел ұйымдастырылды. Іс-шараға облыстық және аудандық қоғамдық кеңес мүшелері, мемлекеттік органдар мен үкіметтік емес ұйым өкілдері қатысты.

Жиын барысында заң мен тәртіп, жемқорлыққа қарсы іс-қимыл, тарихи-мәдени мұраны қорғау, денсаулық сақтау, БАҚ-пен өзара іс-қимыл, гендерлік әділеттілік, ауыл шаруашылығын субсидиялау және құқықтық қолжетімділік мәселелері қозғалды.

Іс-шара нәтижесінде өңірлік қоғамдық бақылауды жетілдіруге қатысты бірқатар ұсыныстар айтылып, пікір алмасу болды.

Фото

Previous Next