ЖАМБЫЛ ОБЛЫСЫНДА ҚОҒАМДЫҚ ЭКОБАҚЫЛАУ ОНКҮНДІГІ ЖАЛҒАСУДА

 “Таза Қазақстан” жалпыұлттық бастамасы аясында Мәдениет және ақпарат министрлігі ұйымдастырған “Қоғамдық экобақылау” республикалық акциясын Жамбыл облыстық Қоғамдық кеңесінің мүшелері Д. Бықыбаев, А. Төлебаев, П. Оспанов 19-22 маусым күндері Т. Рысқұлов, Меркі аудандары және Тараз қаласында өткізді.

 Т. Рысқұлов ауданының 15 ауылдық округтерінде абаттандыру, көгалдандыру және санитарлық тазалау жұмыстары 409,7 млн теңгеге жүргізілген.

 “TazaLike” іс-шарасы аясында 30 740 жас көшет, ал “Бүкіл Қазақстандық ағаш отырғызу күні” шеңберінде 30 100 көшет отырғызылған.

 Аудан әкімдігі тарапынан қоршаған ортаның тазалығын сақтау, қоғамдық орындарды, саябақтарды, аллеяларды ластау, оның ішінде белгіленбеген орындарға тұрмыстық қалдықтарды тастау жағдайлары бақылауға алынған.

 Тараз қаласы бойынша қоғамдық экобақылауды кеңес мүшелері Р. Рахманбердиев, С. Сейітбеков, Ә. Зәуірбеков өткізді.

 Экобақылау барысында қала әкімдігінің тұрғын үй-коммуналдық шаруашылық бөлімінің ақпаратына сәйкес, 2023 жылы бюджет қаражаты есебінен бөлінген 1,0 млрд теңгеге 7 шағынауданда, 2024 жылы 4 шағынауданда арық жүйесін жаңарту бойынша жүргізілген құрылыс жұмыстарының сапасыз болғаны анықталды. Суару жүйелерінің іске қосылмауы салдарынан абаттандыру мен көгалдандыру жұмыстары тиісті деңгейде орындалмаған.

 Тараз қаласы бойынша экобақылау онкүндігі Тараз қалалық Қоғамдық кеңесі мүшелерінің қатысуымен жалғасатын болады.

 Экобақылау қорытындысы негізінде жергілікті атқарушы органдарға абаттандыру мәселелері бойынша ұсынымдар әзірленеді.

Фото

Previous Next