МАҚСАТЫМЫЗ - ТАБИҒАТТЫ АЯЛАУ ЖӘНЕ ЭКОЛОГИЯЛЫҚ ЖАҒДАЙДЫ ЖАҚСАРТУ

Жамбыл облыстық Қоғамдық кеңесінің мүшелері Д.Бықыбаев, А.Төлебаев, П. Оспанов, М. Мамышев және Тараз қалалық Қоғамдық кеңесінің мүшелері С.Қойбақов, Қ.Есімбеков, С.Қондыбаев, Э. Байназарова, М.Сұраншиев, Б.Үмбетқұлов “ Қоғамдық экобақылау” республикалық акциясы 2-ші онкүндігінің соңында 23-25 маусым күндері Шу, Мойынқұм аудандары және Тараз қаласы бойынша аумақтарды абаттандыру, көгалдандыру және санитарлық-тазалық жұмыстарына қоғамдық экобақылау жүргізді.

Өңіріміздің шығысында орналасқан әкімшілік бөліктер - Шу, Мойынқұм аудандары бойынша қоғамдық экобақылау өткізу барысында жергілікті мемлекеттік басқару органдары тарапынан”Таза Қазақстан” жалпыұлттық акциясы аясында аудан орталықтарын, елді мекендерді абаттандыру, жасыл желектерді суару, оларға күтім жасау жұмыстары жүйелі түрде жүргізілетіні, қатты қалдықтар орындарын орналастыру, жинау және тасымалдау тұрақты бақылауда екендігі анықталды.

Тараз қаласының жаңа ауданы “Ұлы Дала”мөлтекауданы және “Қызыл абад” алқабы бойынша абаттандыру, көгалдандыру жұмыстарына жүргізілген экобақылау барысында орын алған кемшіліктер: Топ мүшелері 15 мөлтекауданға отырғызылған 1560 көшеттің, Көшек батыр көшесі бойындағы саябақ және N 64 мектептің маңындағы сквердегі ағаштардың ағын сумен қамтамасыз етілмеуі, өскіндердің жер бедері тегістелмей отырғызылуы, тамшылатып суару жүйесінің іске қосылмауы, су ұңғымаларының жеткіліксіз болуы, эстетикалық абаттандыру шараларының жүргізілмеуі, лотоктардың құрылыс және тұрмыстық қалдықтарға толып қалғанына назар аударды.

“ Қызыл абад” аумағындағы жалпы көлемі 80 гектарлық “ Жасыл белдеудің” 60 гектарына 3 жыл қатарынан әр 20 гектарға 20 мыңнан көшеттер отырғызылған. Экобақылау барысы көрсеткендей, 2023 жылы отырғызылған көшеттер түгел өнбей қалған. Ал, 2024 жылғы жасыл желектердің 80-90 пайызы жайқалып өскен. 2025 жылдың көктемінде егілген 10 мың түп жасыл желектің 20 пайызы ғана өніп тұрғанын анықтаған топ мүшелеріне аумақтарды абаттандыру мәселелеріне жауапты мекеме “Жасыл ел - Тараз”ЖШС қызметкерінің “Казсушар” РМК Жамбыл филиалының ағын сумен қамтамасыз етуі қиындықтар туғызып отырғаны туралы жауабы айтылды. Қоғамдық экобақылау қорытындысы бойынша анықталған кемшіліктерді жою мақсатында топ мүшелері тарапынан уәкілетті органдарға тиісті ұсыныстарды жолдау туралы шешім қабылданды

Фото

Previous Next