Мемлекеттік бюджет қаражаты есебінен жүзеге асырылып жатқан жобалардың орындалуын бақылау

Мониторингтік топтың құрамындағы кеңес мүшелері 24 маусымда автомобиль жолдарын жөндеу және жол белгілерін сызу нысандарын аралады. Бақылаумен Ерден, Горький көшелеріндегі және өндірістік аймаққа, православ және мұсылман зираттарына баратын жолдардың орташа жөндеу жұмыстары жүргізіліп жатқан учаскелері қамтылды.

Қазіргі уақытта асфальтбетон жабындысын фрезерлеу әдісімен қырып алу жұмыстары жүргізілуде. Жолдар кеңейтіліп, жиектері тегістеліп және жол белгілері салынып жөнделетін болады. Мердігер ұйымдар жұмысты белгіленген мерзімнен бұрын аяқтауды жоспарлап отыр.

Жол қозғалысы қауіпсіздігін қамтамасыз ету мақсатында атқарылатын келесі жұмыс түрі – автожолдарға жол белгілерін сызу. Белгілер жарық шағылыстырғыш элементтері бар арнайы жол бояуымен салынады. Шартқа сәйкес, жол белгілері Сәтбаев қаласының жолаушылар көлігі және автомобиль жолдары бөлімінің тапсырысы мен кестесіне сай маусым ішінде үш рет сызылатын болады.

Фото

Previous Next