2025–2026 жылдардағы жылыту маусымына дайындық шеңберінде іске асырылып жатқан іс-шараларды бақылау

Қоғамдық кеңес мүшелері 2025–2026 жылдардағы жылыту маусымына дайындық шеңберінде іске асырылып жатқан іс-шараларды бақылау мақсатында мониторингтік топтың құрамында 25 маусымда «Kazakhmys Distribution» ЖШС-нің Жылу энергетика кәсіпорнына кезекті рет барды.

Кәсіпорынның цех директорының орынбасары Н. Елеусізов мониторингтік топ мүшелерін №1 ЖС бойынша атқарылған жұмыстардың көлемімен таныстырды.

Қазіргі уақытта №1 және №4 қазандықтарда күрделі жөндеу жұмыстары жүргізілуде. Сонымен қатар, №3 қазандыққа эмульгаторлар орнатылған. Жөндеу жұмыстарының жалпы орындалу көлемі бүгінде шамамен 40 пайызды құрайды.

Жылыту маусымына уақтылы және сапалы дайындық – тұрғындарды үздіксіз әрі қауіпсіз жылумен қамтамасыз етудің негізгі кепілі екенін ескере отырып, бақылау жұмыстары алдағы уақытта да жалғасатын болады.

Фото

Previous Next