2025 жылғы 27 маусым күні Алматы облысының Жамбыл ауданының Ұзынағаш ауылы маңындағы кірпіш заводына  қоғамдық эко-бақылау шарасы ұйымдастырылды.

ҰЗЫНАҒАШ АУЫЛЫНДА «ЭКО-БАҚЫЛАУ» АКЦИЯСЫ ӨТТІ

Қазақстан Республикасының Мәдениет және ақпарат министрлігі қоғамдық кеңестердің өкілдері мен үкіметтік емес ұйымдармен бірлесіп, «Таза Қазақстан» жалпыұлттық бағдарламасы аясында «Қоғамдық эко-бақылау» республикалық акциясын өткізуде.

Аталған іс-шара Дүниежүзілік қоршаған ортаны қорғау күні мен Қазақстан Республикасының экологтар күніне орай ұйымдастырылып,                       2025 жылғы 5 маусым мен 5 шілде аралығында республика көлемінде жүзеге асырылуда.

Акция шеңберінде өткізілетін тақырыптық онкүндіктердің бірі —                         26- маусым мен 5 –шілде аралығында жер қойнауын пайдалану ісіне мониторинг жүргізуге арналған.

Осыған орай, 2025 жылғы 27 маусым күні Алматы облысының Жамбыл ауданының Ұзынағаш ауылы маңындағы кірпіш заводына  қоғамдық эко-бақылау шарасы ұйымдастырылды.

Зерделеу жұмыстарына Жамбыл аудандық қоғамдық кеңес  төрағасы Б.Алиев, мүшесі Д.Молдахалыкова,  аудандық Ақсақалдар кеңесі төрағасының орынбасары Т.Қасымберкебаев, Ұзынағаш ауылдық округі әкімінің орынбасары Б.Абжан,  аудандық мәслихат аппаратының басшысы М.Нұрмұхамедов, санитарлық-эпидемиологиялық бақылау басқармасының басшысы К.Пичкунов, аудан әкімі аппаратының заң және мемлекеттік құқық бөлімінің басшысы А.Тулеукулова  қатысты.

Іс-шара барысында Ұзынағаш ауылдық округ әкімінің орынбасарына  нақты тапсырмалар берілді.

Табиғатты қорғау — әр азаматтың ортақ міндеті!

Фото

Previous Next