Қоғам назарындағы мәселелер – Қоғамдық кеңес бақылауында.

 Келес аудандық Қоғамдық кеңестің төрағасы Е.Абишевтің төрағалығымен кеңестің кезекті жоспарлы отырысы өтті. Жиын Келес ауданы әкімдігі ғимаратының мәжіліс залында өткізілді. Отырыста Қоғамдық кеңестің жыл басынан бері атқарған жұмыстары сараланып, бірқатар маңызды мәселелер қаралды.

Атап айтқанда, Түркістан облыстық Денсаулық сақтау басқармасына қарасты «Абай» Келес аудандық ауруханасының бас дәрігері 2024 және 2025 жылдың І тоқсанында атқарылған жұмыстар бойынша есебін ұсынды. Кеңес мүшелері маусым айында ауруханаға жүргізілген мониторинг нәтижелерін ескере отырып, күрделі жөндеу жұмыстарының аяқталмағанын атап өтті. Осыған орай бұл мәселені жылдың соңына дейін қайта қарау жөнінде шешім қабылданды. Сондай-ақ «Келес аудандық Мансап орталығы» директорының есебі тыңдалып, халықты жұмыспен қамту және оқыту саласындағы қызметі назарға алынды.

Бозай ауылдық округі әкімінің есебі аясында округ аумағында шегірткеге қарсы күрес бағытында жүргізілген шаралар туралы айтылды. Есеп назарға алынды.

Фото

Previous Next