ЖЕР ҚОЙНАУЫН ПАЙДАЛАНУ ЭКОЛОГИЯЛЫҚ ҚАУІПСІЗ ТӘСІЛДЕРМЕН ЖҮЗЕГЕ АСЫРЫЛУЫ ТИІС.

Жамбыл облыстық Қоғамдық кеңесінің мүшелері “Таза Қазақстан” экологиялық бастамасы аясында “Қоғамдық экобақылау” республикалық акциясының 3-ші онкүндігі бойынша Жер қойнауын пайдалану ісіне мониторинг жүргізді.

Облыс әкімдігінің табиғи ресурстар және табиғат пайдалануды реттеу басқармасының мәліметіне сәйкес өңірдің кең таралған пайдалы қазбалары бойынша жер қойнауын пайдаланушылармен барлығы 127 ағымдағы келісім-шарттар жасалған.

Аудандар бойынша, оның ішінде Жамбыл ауданы - 35., Мойынқұм ауданы -19., Байзақ ауданы -14, Талас ауданы -13., Қордай ауданы -12 жер қойнауын пайдаланушылармен келісім-шарттар жасаған.

Кеңес мүшелері Есембек Ошақбаев, Амантай Досмаханбетұлы, Әлімбек Жұмабаев басқарма мамандарымен бірге мониторинг барысында Жамбыл ауданы аумағында орналасқан жер пайдаланушылар: ЖК

“Мусаев М.А.”, Байели” ШҚ, “At Sity-Story” ЖШС құрылыс материалдарын өндіруге қажетті қиыршық тастарды қазу жұмыстарымен танысып, тас карьерлерінің Аса өзеніне жақын орналасуы қолданыстағы заңнама талаптарына сай келмейтінін анықтады.

“Жер қойнауы және жер қойнауын пайдалану туралы” ҚР Заңына сәйкес Жер қойнауын пайдалану жер қойнауының ластануын болғызбауға және қоршаған ортаға зиянды әсерді азайтуға бағытталған шараларды қабылдай отырып, экологиялық қауіпсіз тәсілдермен жүзеге асырылуы тиістігі жеке кәсіпкерлерге түсіндірілді.

Фото

Previous Next