ҚОҒАМДЫҚ ЭКОБАҚЫЛАУ: Жер қойнауын пайдалану ісінде экологиялық және өнеркәсіптік қауіпсіздік талаптары орындалуы тиіс

Жамбыл облыстық қоғамдық кенесінің мүшелері Архабек Тулебаев, Пернебек Оспанов «Таза Қазақстан» экологиялық бастамасы аясында «Қоғамдық экобақылау» республикалық акциясы бойынша Талас ауданында жер қойнауын пайдалану ісіне мониторинг жүргізді.

Мониторинг барысында Талас ауданында жер қойнауын пайдаланушылардың келісім-шарттарының «Жер қойнауы және жер қойнауын пайдалану туралы» Қазақстан Республикасының заңнама талаптарына сәйкестігі және келісімшарт міндеттемелерінің орындалуы зерделенді.

Талас ауданы бойынша жер қойнауын пайдаланушылар саны – 13. Жер қойнауын пайдаланушылар: «Құрылыс-Жанар» ЖШС, «Азмина-Мрамор» ЖШС, «Тараз-Мрамор» ЖШС, «Кумтас» ЖШС, Казфосфат» ЖШС, Каратау-Мрамор» ЖШС, «Шарипбаев (Ют-Цемент)» ЖК, “Атамекен-Мрамор- Коктал» ЖШС, «Кара-Тау-Цемент» ЖШС, «Жамбыл Недр» ЖШС, «Alina holding» ЖШС жасалған келісім-шарттардың мерзімі 1998 жылдан бастап 2042 жылға дейінгі аралықты құрайды.

«TalasInvestcompany» ЖШС жылына 1,5 млн тонна натрий цианидін өндіреді. Қазіргі таңда 60 адам жұмыс істейтін кәсіпорынға арнайы көлемді жер бөлініп, оның құжаттары толық рәсімделген. Бүгінде зауыттың 2-ші кезеңінің құрылысы басталып, 2026 жылдың ортасына таман толықтай іске қосылғанда, 600 адам жұмыспен қамтылады. 30 мың тонна натрий-цианид өндіру, 300 адамды жұмыспен қамту жоспарланған. Мониторинг барысында кәсіпорында жер қойнауын пайдалану жөніндегі операцияларды жүргізу кезіндегі экологиялық қауіпсіздік шараларының тұрақты түрде жүргізілуі және Қазақстан Республикасының экологиялық заңнамасы талаптарына сәйкестігі анықталды.

«Қаратау-химикалс» ЖШС тамыз айында іске қосылып, 25 мың тонна натрий персульфаты өндірілетін болады. Бүгінгі таңда кәсіпорында 60 адам жұмыс істейді. «Жамбыл-Недр» ЖШС 60 гектар жер бөлініп, Қытай компаниясы құрылысты жүргізуде. Жылына 1,5 мың тонна өндірістік әк-тас өндіретін кәсіпорын 2026 жылы іске қосылады. «Жамбыл-Недр» ЖШС «Сүлейменсай» карьері әк-тас шикізатын өндіреді. «Қаратау-Жанар» ЖШС мрамор карьерінің шикізатын құрылыс жұмыстарына пайдаланады.

Мониторингтік топ мүшелері А.Тулебаев, П.Оспанов жұмыскерлердің жұмыстарды қауіпсіз жүргізу жөніндегі қағидалар мен нормаларды орындауы, авариялардың алдын алу мен оларды жою жөніндегі өткізілген іс-шараларына бақылау жүргізді. Сонымен қатар, топ мүшелері жұмыскерлердің өміріне тікелей қауіп төнген жағдайда жұмысты тоқтата тұру, адамдарды қауіпсіз жерге шығару және қауіпті анықтау үшін қажетті іс-шараларды өткізу барысымен танысты. Кеңес мүшелері тарапынан аталған кәсіпорындардың басшылығына жер қойнауын пайдалану жөніндегі операцияларды жүргізу кезіндегі өнеркәсіптік және экологиялық қауіпсіздік талаптары міндетті түрде орындалуы тиістігі айтылды.

Фото

Previous Next