2025 жылдың 4 шілдесінде Алматы облысы Қоғамдық кеңесінің кезекті отырысы Алатау қаласында өтті.

2025 жылдың 4 шілдесінде Алматы облысы Қоғамдық кеңесінің кезекті отырысы Алатау қаласында өтті. Бұл біздің 27 мамырды қоса алғанда 37 күн ішінде өткізіп отырған 19-шы көшпелі отырысымыз. Бұған дейін Алматы облысына қарасты 9 ауданда 18 кездесу өткіздік (кезектілік тәртібімен – Іле, Ұйғыр, Кеген, Райымбек, Қарасай, Еңбекшіқазақ, Жамбыл, Талғар, Балқаш). 187 ұсыныс жинадық.

Мемлекет басшысы Қ.К.Тоқаевтың Ұлттық құрылтайдың IV отырысында берген тапсырмалары басты нысанаға алынып, Аматы облысының жұртшылғымен ауылдарға барып талқыладық және іске асыру тетіктерін пысықтадық. Бұл шараны Ұлттық құрылтай мүшелерімен бірлесе атқарудамыз. Жаңа қоғамның мәдениеті, заң мен тәртіп құндылығы дәріптелуде.

Кездесуге Алатау қаласына қарасты ықшамаудандардан (12) белсенділер, қалалық мәслихат депутаттары мен Қоғамдық кеңес мүшелері, Аумақтық кеңес құрамы келіп қатысты.

3 сағатқа жуық созылған жиында жалпы саны – 35-тей талап-тілек пен сұрақ қаралып, әкімдікпен және тұрғындармен бірлесе отырып шешімін іздестірдік. Бұл сұрақтарды тиімді шешу үшін екі мәселелі топқа бөліп отырмыз:
1) дәстүрлі мәселелер (жол, көше жарығы, су, газ, жер, баспана, мектеп, балабақша, аурухана және тсс);
2) Алатау қаласының құрылуымен байланысты туындаған спецификалық мәселелер.

Кездесуіміз жасандалықтан ада, ашық, қоғамдық қабылдау форматында өтті. Өткір сындар мен пікірлер де айтылды. Сондықтан батылдық танытып кездесудің дәл осындай боямасыз мазмұнда өтуіне тосқауыл болмаған, жас әрі жаңа көзқарастағы қала әкімі Аркен Хамитұлына және оның орынбасарларына зор алғысымызды білдіреміз. Отырысқа әкімнің Ішкі саясат пен Тұрғын үй коммуналдық шаруашылық жөніндегі екі бірдей орынбасары бастан-аяқ қатысып, көтерілген әрбір сұраққа толымды жауап берді.

Айтпақшы мұның бәрі тікелей эфирде жүріп отырды, сондықтан парақшамыздағы толық нұсқасымен танысуларыңызға болады

Фото

Previous Next