Сыбайлас жемқорлық тәуекелдерін ішкі талдау нәтижелерін талқылау туралы

Е. Жанғазының төрағалығымен облыстық қоғамдық кеңестің азаматтардың құқықтарын, заңды мүдделерін қамтамасыз ету және сыбайлас жемқорлық көріністеріне қарсы іс-қимыл мәселелері жөніндегі комиссиясының және Екібастұз қаласының, Баянауыл, Тереңкөл және Аққулы аудандарының қоғамдық кеңестері комиссияларының сыбайлас жемқорлық тәуекелдеріне ішкі талдау нәтижелерін талқылау бойынша бірлескен отырысы өткізілді. Облыстың дене шынықтыру және спорт, мәдениет, тілдерді дамыту және архив ісі, дін істері, цифрлық технологиялар басқармаларының, цифрлық технологиялар басқармасының Смарт Ертіс ЖШС-нің, Екібастұз қаласы, Баянауыл, Тереңкөл және Аққулы аудандары әкімдіктерінің есептері тыңдалды. Отырыс жұмысына сыбайлас жемқорлыққа қарсы комиссар, Павлодар облысы бойынша сыбайлас жемқорлыққа қарсы қызмет департаментінің превенция басқармасының басшысы Д. Кәукенов қатысты. Қоғамдық кеңес мүшелерінің сұрақтарына облыстың дене шынықтыру және спорт басқармасы басшысының міндетін атқарушы – К.Ахмеджанов, облыстың мәдениет, тілдерді дамыту және архив ісі басқармасы басшысының міндетін атқарушы – С.Саменова, дін істері басқармасының діни бірлестіктермен жұмыс жасау бөлімінің басшысы – С.Күлжибаев, Аққулы ауданы әкімдігі аппаратының басшысы – Т.Қобайдаров, Тереңкөл ауданы әкімі аппаратының заң қызметінің басшысы – Т.Грушева, Екібастұз қаласы әкімі аппаратының мемлекеттік қызметтер мониторингі және ақпараттық технологиялар бөлімінің басшысы – К.Рахымбеков, Баянауыл ауданы әкімі аппаратының мемлекеттік-құқықтық бөлімінің басшысы – А.Төлеген, бас маман-заңгер – А.Карканова және облыстың цифрлық технологиялар басқармасының Смарт Ертіс ЖШС-нің бас бухгалтері – Ж.Ұлықбеков жауап берді. Өткізілген отырыстың қорытындысы бойынша басқармалар мен әкімдіктерге сыбайлас жемқорлық тәуекелдеріне ішкі талдау жүргізу барысында белгіленген тәуекелдерді назарға алу, сондай-ақ тиісті жұмыс топтарының қорытынды ұсынымдарын орындауға қабылдау ұсынымдары берілді.

Фото

Previous Next