Қазкеңес жаңалықтары

Тұрақты комиссия отырысы

Мәслихаттың аграрлық мәселелер, экология және жер қатынастары мәселелері бойынша тұрақты комиссия отырысында Қоғамдық кеңеспен бірлесе отырып, Жер мониторингі, Урбанистика орталығы коммуналдық мекемелердің қызметі және аудан әкімдіктерінің санитарлық тазалау бағытындағы жұмыстары қаралды.

Өткен жылы Жер мониторингі мекемесімен жер учаскелерін нысаналы мақсаты бойынша пайдалануына мониторинг нәтижесінде ауданы 8 гектар болатын 91 жер учаскесі мемлекет меншігіне қайтарылды, оның ішінде 20 учаске – жалдау мерзімінің өтуіне байланысты, 71 учаске – азаматтардың өз бетінше бас тарту туралы өтініштері негізінде.

Урбанистика орталығы жарнамалық конструкциялардың, стационарлық емес сауда объектілерінің заңдылығы, құрылыс объектілерінің мониторингі, іргелес аумақты абаттандыру, басқа да бағыттарда жұмыс жүргізеді.

Мәселен, 2024 жылы 50-ге жуық ШОБ нысандарында абаттандыру қағидаларын бұзу, сондай-ақ Алтын орда ауданы бойынша 24-ке жуық көпқабатты объектілерде ауыр техникалардың дөңгелектерін жуу, қоршаудың жоқтығы сынды талаптарды сақтамағандары анықталып, полиция қызметкерлерін тарту арқылы әкімшілік шара қолданылды. Сондай-ақ, 90 субъектіде сыртқы көрнекі жарнама рұқсат құжаттарынсыз орнатылғаны анықталып, хабарламалар берілді. Депутаттар заңсыз жарнама орналастырған, стихиялық саудамен айналысып жатқан тұлғаларға қатысты қабылданып жатқан шаралардың тиімділігін арттыру қажеттілігін атап өтті.

Санитарлық тазалық сұрағына келер болсақ, Алматы ауданында 7 аумақ бойынша 4 мердігер мекеме жұмыс істейді: «Ажар Ақтөбе», «Damu Life ЖШС», «ТехноСервис КZ», «Өтес Ақтөбе» ЖШС. Ал Астана ауданы 8 аумаққа бөлініп, 3 мердігер мекеме жұмыс жасайды: «Номад Құрылыс», «Өтес Ақтөбе», «ТехноСервисKZ» ЖШС. Жұмыстар 40 түрге бөлінген: күнделікті кездейсоқ қоқыстарды жинау, автобус аялдамаларын сырлау, көпірді сырлау, ірі көлемдегі қоқыс қалдықтары, қураған ағаштарды шығару, шөптерді шабу, ескерткіштерді жуу, аялдамалардағы қоқыс жәшіктерін тазарту, т.б.

Депутаттар мен Қоғамдық кеңес мүшелері жасыл желектерді күтіп ұстау, ірі көлемді қоқысты шығару, ағаштарды санитарлық кесу мәселелерін көтеріп, тазалық жұмыстарына бақылауды күшейту қажеттігін атап өтті.

Фото