Өрт қауіпсіздігін қамтамасыз ету жұмыстары

Қала аумағындағы авто газ және жанармай құю станцияларының өнеркәсіптік, өрт қауіпсіздігін қамтамасыз ету жұмыстары Ақтөбе қаласының Қоғамдық кеңесінің мүшелерімен бірлесіп, мәслихаттың индустриалдық даму, инфрақұрылым және тұрғын үй-коммуналдық мәселелер бойынша тұрақты комиссия отырысында қаралды.

Төтенше жағдайлар департаментінің есебінде облыс бойынша 344 жанармай құю және газ құю станциялары тіркелген. Соңғы 3 жылда объектілерде 3 авария мен 1 оқыс оқиға орын алған. Олар Алға қаласы, Ойыл ауылы және Ақтөбе қаласында болған және заңды тұлғалар әкімшілік жауапкершілікке тартылған.

ТЖБ бастығы Азамат Нагимовтың айтуынша, газ толтыру станцияларын, газ толтыру пункттерін және автогаз құю станцияларын пайдаланатын кәсіпорындардың иелері мен өкілдері үшін АГҚС қауіпсіз пайдалануға бақылауды күшейту бойынша түсіндіру-алдын алу іс-шараларын тұрақты негізде жүргізіледі. Депутаттар мен Қоғамдық кеңес мүшелері қалада заң нормалары толық сақталмаған АГҚС бар екендігін жеткізіп, оқыс оқиғаларды болдырмау үшін құзыретті органдарға шара қабылдауды ұсынды.

Отырысқа қатысқан Прокуратураның құқықтық статистика және арнайы есепке алу жөніндегі комитеттің облыстық департамент, Санитариялық-эпидемиологиялық бақылау басқармасы, Атамекен кәсіпкерлер палатасы, Техникалық реттеу және метрология комитетінің облыстық департамент өкілдері өздерінің құзыреттері шеңберінде түсіндірме берді.

Отырыс қорытындысы бойынша аталған мәселе төңірегінде депутаттар мен Қоғамдық кеңес мүшелері тарапынан барлық құзырлы органдармен бірлесіп жұмыстану ұсынылды.

Фото

Previous Next