Қазкеңес жаңалықтары

«Жергілікті атқарушы органдардың мемлекеттік қызметтер көрсетуі туралы» Қоғамдық кеңестің отырысында қаралды

19 маусымда «Жергілікті атқарушы органдардың мемлекеттік қызметтер көрсетуі туралы» мәселе бойынша Ақтөбе қаласының Қоғамдық кеңесінің заңдылық, құқықтық тәртіп, жергілікті мемлекеттік басқару және өзін-өзі басқару мәселелері бойынша тұрақты комиссиясының отырысы өтті.

Комиссия жұмысына Ақтөбе қалалық мәслихатының төрағасы Анар Даржанова, Қоғамдық кеңес мүшелері және мемлекеттік мекемелердің басшылары қатысты.

2025 жылы 5 айы бойынша қалада жергілікті атқарушы органдар 38880 мемлекеттік қызмет көрсетті, оның ішінде 35088 қызмет электрондық түрде (91%), «Азаматтарға арналған үкімет» Мемлекеттік корпорация арқылы 3562 қызмет көрсетілді. Қала тұрғындарына қолайлы болуы үшін мемлекеттік қызметтерді тек мемлекеттік органда және Мемлекеттік корпорация арқылы ғана алып қоймай, оны www.egov.kz веб-порталы арқылы да алуға болады.

Ақтөбе қаласының жер қатынастары, сәулет және қала құрылысы бөлімі жер қатынастары саласындағы мемлекеттік қызметтер тізіліміне сәйкес 11 қызмет түрін, сәулет саласындағы мемлекеттік қызметтер тізіліміне сәйкес 6 қызмет түрін көрсетеді. 2025 жылдың басынан бері Бөлім бойынша жалпы 17886 мемлекеттік қызмет көрсетілді, оның ішінде 2680 қызметке бас тарту шешімі қабылданды. Бөлім мемлекеттік қызмет көрсетудің сыбайлас жемқорлық тәуекелдерін азайтуға үлкен көңіл бөледі және қазіргі таңда өтініш берушінің көрсетілетін қызметті берушімен тікелей байланысы іс жүзінде алынып тасталды, яғни мемлекеттік қызметтердің барлық түрлері толығымен электрондық форматқа көшірілді.

Бүгінгі күні Үкіметпен бекітілген тізіліміне сәйкес «Ақтөбе қаласының жұмыспен қамту және әлеуметтік бағдарламалар бөлімі» ММ-де 24 мемлекеттік қызметтер көрсетілуде.  2025 жылдың 5 ай ішінде барлығы 15445  қызмет ұсынылды, соның ішінде «Азаматтарға арналған үкімет» мемлекеттік корпорациясы арқылы – 2681 құжат, ал бөлім арқылы – 127 құжат. Электрондық үкімет веб-порталы арқылы – 7797, электрондық түрде берушілердің ақпараттық жүйелері арқылы – 4840. Бөлім ғимаратының 1 қабатында өз-өзіне қызмет көрсету аймағы орнатылған және қажетті құрылғылармен толық жабдықталған.

Жергілікті атқарушы органдардың мемлекеттік қызмет көрсету туралы ақпаратын тыңдау барысында Қоғамдық кеңес мүшелері бірқатар сұрақтар қойып, ескертулер айтып, өз ұсыныстарын білдірді.

Фото