Облысқа жұмыс сапарымен Президент Кеңесшісі Мәлік Отарбаев келді

Өңір басшысымен бірге облыс активімен кездесті. Мемлекеттік органдардың басшылары, облыстық мәслихат депутаттары, еңбек ардагерлері, зиялы қауым өкілдерінің қатысуымен өткен жиынға қалалық Қоғамдық кеңес мүшесі Бибігүл Биманова да қатысты.

Облыс активінің алдында сөйлеген сөзінде Мәлік Отарбаев Мемлекет басшысы Қасым-Жомарт Тоқаевтың Бурабайда өткен Ұлттық құрылтай отырысында берген тапсырмаларын іске асыру барысы жөнінде пікір алмасу және билік пен қоғам арасындағы кері байланысты нығайтуға мүмкіндік беретін осындай диалог алаңдарының маңызын атап өтті.

Аймақ басшысы Асхат Шахаров Президент тапсырмалары өңір үшін нақты бағдар екенін, бүкіл жұмыстың осы бағытта жүргізіліп жатқандығын жеткізді.

Қалалық қоғамдық кеңес мүшесі Бибігүл Ерболатқызы Ұлттық құрылтайда көтерілген мәселелерге қатысты қала аумағында жасалып жатқан жұмыстарға, мәдениет пен әлеуметтік саланы қолдау- өңірлердің тұрақты дамуының негізі екендігіне тоқталды.

Кездесу соңында қатысушылар ортақ мақсаттарға қол жеткізу және өңірдің өркендеуін қамтамасыз ету үшін күш біріктірудің маңызын атап өтіп, бірлескен жұмыс пен белсенді бастамаларды табысты іске асыруға мүмкіндік беретініне сенім білдірді.

Фото

Previous Next