Комиссия отырысы

Ақтөбе қаласының Қоғамдық кеңесімен бірлесіп, мәслихаттың әлеуметтік және тұрғын үй-коммуналдық шаруашылығы мәселелері бойынша тұрақты комиссияларының бірлескен отырысы өтті.

Комиссия отырысында қаладағы денсаулық сақтау жағдайы және жол қауіпсіздігін қамтамасыз ету шаралары талқыланды.

Қалада 32 медициналық мекеме жұмыс жасайды: 10 стационар, 12 амбулатория, 7 емхана, 3 бастапқы медициналық көмек орталығы.

2024 жылы өлім-жітім көрсеткіші 3243 жағдайды құраған. Оның ішінде 25,7%-ы жүрек-қантамыр ауруларынан, 7,5%-ы ишемиялық жүрек ауруынан, 8,4%-ы онкологиялық аурулардан қайтыс болғандар.

2024 жылы туу көрсеткіші алдыңғы жылмен салыстырғанда 7,2% төмендеген. Ал нәресте өлім-жітімі 9,55-тен 10,22 промиллеге көтеріліп отыр. Көрсеткіштің артуына әсер еткен негізгі факторлар: шала туылу жағдайларының көбеюі, туа біткен патологиялардың жоғарылауы, перинаталдық кезеңдегі асқынулар, ана денсаулығымен байланысты факторлар.

Денсаулық сақтау саласындағы проблемалардың бірі – кадр тапшылығы. Бүгінгі күнге жалпы тәжірибелік дәрігер, акушер-гинеколог, анестезиолог-реаниматолог, хирург, неонатолог дәрігерлерінің жалпы 96 штат бірлігіне тапшылық бар.

Отырыста депутаттар мен Қоғамдық кеңес мүшелері онкологиялық аурухана мен емханалардың жағдайы, сирек кездесетін аурулармен ауыратын тұрғындарды дәрілермен қамту, мектептерде профилактикалық шаралар жүргізу мәселелерін көтерді.

Фото

Previous Next