Жаяу жүргіншілер өткелдері мен трамвай өткелдерін жарықтылығы туралы

Б. Демеуовтың төрағалығымен Павлодар облыстық қоғамдық кеңесі Төралқасының отырысы өтті. Жаяу жүргіншілер өткелдері мен трамвай өткелдерінің жарықтылығы мәселелері қарастырылды. Жаяу жүргіншілер өткелдеріндегі жол-көлік оқиғалары әлеуметтік желілерде кең қоғамдық резонансқа ие және жиі талқыланады. Қарапайым қауіпсіздік шараларын сақтамайтын жаяу жүргіншілердің жолда өту барысында тәртібі өте төмен болып қала береді. Мұндай жағдайларда тіпті тәжірибелі жүргізушілер де шаралар қабылдауға және жаяу жүргіншілерге соқтығысуға жол бермеуге әрдайым үлгере қоймайды. Жол-көлік оқиғалар санының өсуі сондай-ақ жаяу жүргіншілер өткелдеріне жақындағанда тиісті көлік инфрақұрылымының болмауы себебінен де мүмкін. Қоғамдық кеңес мүшелерінің сұрақтарына жол-техникалық инспекциясының аға инспекторы, полиция майоры – А. Қарыбаев, Павлодар қаласы әкімінің орынбасары – А. Аманов, Екібастұз қаласы әкімінің орынбасары – Қ. Әділжанов, Ақсу қаласы әкімінің орынбасары – Е. Салханов жауап берді. Мәселені талқылауға қоғамдық кеңестің мүшелері: Б. Бексейітова, Е. Жанғазы, Б. Құспеков, Ж. Махмудов, Т. Мұзапаров, А. Оспанова, М. Регатунова, Р. Сатабаева белсенді қатысты. Өткізілген отырыстың қорытындысы бойынша жол-көлік оқиғаларын алдын алу мақсатында қалалар әкімдіктеріне және Полиция департаментіне Павлодар, Екібастұз және Ақсу қалаларының көшелерінде жол-көлік жарақаттануының алдын алу бойынша ұсынымдар берілді.

Фото

Previous Next