Ауыл шаруашылығындағы инвестициялық жобалар туралы

А. Касициннің төрағалығымен өткен облыстық қоғамдық кеңестің аграрлық мәселелер, жер қатынастары және инвестициялар жөніндегі комиссиясының отырысында проблемаларды анықтау және оларды шешу мақсатында бағдарламаға қатысушыларды шақыра отырып, ауыл шаруашылығындағы инвестициялар мәселесі қаралды. Комиссия жұмысына облыстың ауыл шаруашылығы басқармасы басшысының орынбасары – А. Каленов, «Павлодар ӘКК» АҚ төрағасының орынбасары – Н. Дычко, «Аграрлық кредиттік Корпорация» АҚ Павлодарлық филиалы директорының несиелеу жөніндегі орынбасары – В. Осняч қатысты. Шақырылған 22 ЖШС басшыларының, шаруа қожалықтарының басшылары мен ЖК-дің арасынан, өкінішке орай, 7-уі ғана қатысты. Отырысқа қатысушылар инвестициялық жобаларды қаржыландыру және іске асыру кезіндегі проблемаларды талқылады. Атқарушы органдарға хаттар жіберу, уақтылы қаржыландырудың бар проблемаларын барлық қаржы институттарының қатысуымен «Атамекен» кәсіпкерлер палатасының алаңында талқылау туралы шешім қабылданды.

Фото

Previous Next