Мониторингтік топ бақылауды 10 шілдедегі Сәтбаев даңғылындағы алаңды абаттандыру жұмыстарының барысымен танысудан бастады.

Жоспар бойынша «Универсам» дүкенінен «Киім үйі» дүкеніне дейінгі алаңға жарықтандырылған арка, заманауи орындақтар, урналар мен гүлзарлар орнатылып, жол жиегіне көгал төселіп, абаттандырылады. Қазіргі таңда тротуар плиткалары мен тасжол жабындысы алынып, құрылыс қоқыстарын тазалау жұмыстары жүргізіліп жатыр. Мердігер ұйым ұсынып отырған эскизге сәйкес жаңартылған алаң жайлы демалыс орнына айналады. Тексеруге қатысушылар тарапынан жұмыстар аяқталғаннан кейін бейнебақылау камераларын орнату туралы ұсыныс айтылды.

Депутаттар мен қоғамдық кеңес мүшелері ҚТҚ жинауға арналған контейнерлік алаңдарды күтіп ұстау бойынша жүргізіліп жатқан жұмыстардың сапасын бақылау мақсатында бірнеше контейнер алаңдарын аралады. «Бектан» ЖШС бүгінгі күнге жоспарланған 40 алаңның 27не қоршау орнатқан. Контейнер алаңының орны бойынша айтылған ескерту бойынша жұмыс барысында оң шешім қабылданды.

Мониторинг топ мүшелері Горький, Бокин, Мұса Жалел көшелеріндегі автомобиль жолдарын орташа жөндеу жұмыстарын кезекті бақылау барысында тұрғындармен кездесіп, түсіндіру жұмыстарын жүргізді. Кейбір жеке үй иелерінің құбырларды уақытылы тартып алмауы салдарынан асфальт төсеу жұмыстары кідіруде.Тұрғындардың кәріз құдықтарын түзету бойынша айтылған ұсыныстары жауапты орындаушылардың бақылауына алынды. Рейдке қала әкімінің орынбасары Ахмет Сыздыманов қатысып, туындаған сұрақтар бойынша түсініктемелер берді.

Фото

Previous Next