Алматы облысының Қоғамдық кеңесінің ұсынысымен “Tort tulik” қосымшасына “Құрбан айт-2025” деген пункт еніп, Қазақстанның барлық аумағында ел-халық малын кедергісіз базарға алып шығуға мүмкіндік алды.

Өздеріңізге мәлім, 29 мамыр күні (бейсенбі) Ұзынбұлақ ауылдық округінде (Кеген ауданы) өткен кездесуімізде ел-халық “Tort tulik” қосымшасына қатысты сын-пікір айтқан болатын. Құрбан айтқа (6 маусым) санаулы күн қалғанына қарамастан, ақ-адал малын базарға шығара алмай отырғандығына шағымданды. Жұма күнгі Райымбек ауданындағы сапарымызды аяқтап, дүйсенбідегі, яғни 2 маусымда Алматы облысы әкімінің аппараттық жиынында осы мәселені арнайы көтердік. Облыс әкімі Марат Елеусізұлы Султангазиев тарапынан қолдау тауып, шұғыл түрде хаттамалық тапсырма берілді.

Арнайы Жұмыс тобы құрылды.
Құрамына облыстағы:
- Ауылшаруашылығы басқармасының басшысы - Ғалым Тоқпейісов,
- Ветринариялық бақылау басқармасының басшысы - Бауыржан Дарибаев,
- Ветеринариялық бақылау және қадағалау комитетінің Алматы облыстық аумақтық инспекция басшысы - Тойбаев Даурен және т.б. құзырлы орган басшылары кірді.

Бұл ұсынысымыз Қазақстан Республикасы Ауыл шаруашылығы министрлігінің Ветеринариялық бақылау және қадағалау комитетіне де жолданған. Нәтижесінде келесі күні - 3 маусымда бүкіл Республика бойынша оң шешімін табады. “Tort tulik” қосымшасына “Құрбан айт-2025” деген пункт еніп, Қазақстанның барлық аумағында ел-халық малын кедергісіз базарға алып шығуға мүмкіндік алды.

Осы бір жұмысымызды жазып қоюдың реті келмей жүр еді, бүгін Бауыржан Темірғалиұлымен аяқасты жолығып қалдық. Сол оқиға тарихын өздеріңізбен бөлісуді жөн көрдік.

Фото

Previous Next