Аулаларды абаттандыру жұмыстары

Өткен жылы қаламызда 25 ауланы абаттандыру жұмыстары басталған болатын. Мердігер мекеме «Еңбек» ЖШС биыл жұмыстарды жалғастырып, 25 аула бойынша мамыр айының соңында толықтай аяқтайды.

Сондай-ақ осы жылы тағы 75 аула абаттандырылмақ. Мердігерлер – «СК Нью Сити», «СДС-2012» ЖШС. Жұмыстар мамыр айында басталады.

Бүгін мәслихат депутаттары мен Қоғамдық кеңес мүшелері Астана ауданы әкімі Баянбек Қырықбаевпен, мердігер мекеме өкілдерімен, қалалық ТҮКШ бөлімінің басшысы Болат Серіковпен кездесті.

Ауласында абаттандыру жұмыстары қаланың ескі бөлігіндегі, Сүт зауыты, Әуе қалашығы, Құрмыш аудандары, Қарғалы тұрғын алабындағы көпқабатты тұрғын үйлерде жүргізіледі. Жобамен аулада асфальт төсеу, жаяу жүргіншілер жолын салу, жарықтандыру қарастырылған.

Кездесу барысында депутаттар мен Қоғамдық кеңес мүшелері жұмыстардың бақылауда болатынын жеткізіп, жұмыстарды бастамас бұрын «Aqtobe su-energy group» АҚ-ның аулаларда құбырларды жөндеу жоспарларымен алдын-ала танысу, абаттандыру жұмыстары жоспарланған аулаларды аралап қарауды ұсынды.

Фото

Previous Next