Ақтөбе қаласының Қоғамдық кеңесінің жаңа құрамының алғашқы отырысы

Бүгін Ақтөбе қаласының Қоғамдық кеңесінің жаңа құрамының алғашқы отырысы өтті. Отырыс барысында Қоғамдық кеңестің төрағасы сайланды, тұрақты комиссия құрамдары мен төрағалары бекітілді.

Қоғамдық кеңестің жаңа құрамына 32 мүше кірді, тағы 22-сі резервке алынды. Қоғамдық кеңестің төрағасы болып, мүшелердің бірауыздан келісуі бойынша Гүлмайрам Габдушева бекітілді. Гүлмайрам
Жанарысқызы «Jusan Bank» АҚ өңірлік директоры, мәслихаттың VII шақырылым депутаты, 2012-2014 жылдары Қоғамдық кеңестің мүшесі болған.

Қоғамдық кеңестің жаңа құрамы жұмысының басталуымен қалалық мәслихат төрағасы Анар Даржанова құттықтап, куәліктері мен төсбелгілерін табыстады.

Қоғамдық кеңесті қалыптастыру жөніндегі жұмыс тобының төрағасы Ерлан Тәтімов кеңестің жаңа мүшелерін олардың міндеттерімен таныстырды. Қоғамдық кеңестің ІІІ құрамының экс төрағасы Ахат Мурзалин жаңа құрам мүшелерінің жұмыстарына сәттілік тілеп, жылы лебізін білдірді.

Отырыс барысырда жаңа құрамдағы Қоғамдық кеңес мүшелерінің алдында маңызды міндеттер қойылып, қала дамуы жолында тиімді жұмыс жасайтындарына сенім білдірілді.

Фото

Previous Next