Ұлттық спорт түрлерін дамыту мәселелері бойынша Қоғамдық кеңесінің кезекті отырысы өтті

Елордада ҚР Туризм және спорт министрлігі Қоғамдық кеңесінің кезекті отырысы өтті. Елсияр Қанағатовтың төрағалығымен өткен кездесудің негізгі тақырыбы елімізде ұлттық спорт түрлерін дамыту болды. Отырысқа Қоғамдық кеңес мүшелері, ұлттық спорт федерацияларының өкілдері, Олимпиада чемпиондары, қоғам қайраткерлері, туризм саласының сарапшылары, сондай-ақ Министрлік қызметкерлері қатысты.

Жиын басында Қоғамдық кеңес төрағасы Елсияр Қанағатов «Әрбір ұлттық спорт түрі – халықтың рухын, оның бай тарихы мен рухани құндылықтарын сақтайтын мұра. Біздің тікелей міндетіміз – осы байлықты сақтау және дамыту. Бұл – ата-бабалар алдындағы борышымыз әрі келер ұрпақ алдындағы жауапкершілігіміз», – деп атап өтті.

Отырыс барысында қатысушылар ұлттық спорт түрлерін жүйелі дамыту, қаржыландырудағы ашықтықты қамтамасыз ету, сондай-ақ дәстүрлі спорт түрлерін халықаралық аренада ілгерілету мәселелеріне назар аударды.

«Бүгін біз жай ғана сандар мен жоспарларды талқылап отырған жоқпыз. Біз елдің болашақ бірегейлігінің негіздерін қалыптастырып отырмыз. Ұлттық спорт – патриоттық тәрбиенің ажырамас бөлігі, ұлт саулығының негізі әрі ұрпақтар сабақтастығын жалғайтын негзізгі арқау», – деді ҚР ТСМ Спорт және дене шынықтыру істері комитеті төрағасының орынбасары Аманбай Нұрмұханбетов.

Отырыстың қорытындысында қатысушылар Министрлік пен азаматтық қоғам институттары, спорт ұйымдары мен сараптамалық қауымдастық арасында өзара ынтымақтастықты арттыруға бағытталған нақты ұсыныстар әзірледі.

Фото

Previous Next