Ақтөбе қаласының Қоғамдық кеңесінің мүшесі «Еркіндік рухы» республикалық комиссиясына сайланды

Қазақстан Республикасындағы Адам құқықтары жөніндегі Уәкілдің жанынан жастардың құқықтарын қорғау жөніндегі «Еркіндік рухы» комиссиясының құрылғаны айтулы оқиға.

«Еркіндік рухы» консультативтік-кеңесші органы құрамына Ақтөбе облысынан жастардың мүддесін білдіретін құқық қорғаушы, Омбудсменнің Ақтөбе облысы бойынша өкілінің жанындағы сарапшылар кеңесінің белсенді мүшесі, Азаптаудың ұлттық алдын алу тетігінің облыстық тобының қатысушысы, Ақтөбе қаласының Қоғамдық кеңесінің мүшесі Анапин Дінмұхамед Жәнібекұлы сайланды.

Жастардың құқықтарын қорғау бойынша диалог, бастамалар мен ұсыныстар алаңына айналатын, елдің түкпір-түкпірінен белсенді әрі бей-жай қарамайтын жас азаматтарды түрлі салалардан біріктіретін платформада Дінмұхамед Жәнібекұлына сәттілік және жемісті жұмыс тілейміз!

Фото

Previous Next